Harry Maguire ទីបំផុតបានសម្រេចពីអនាគតរបស់ខ្លួននៅបន្តជាមួយ Leicester City ក្រោយកាន់ប៊ិចចុះហត្ថលេខា៥ឆ្នាំបន្ថែម។
កីឡាករវ័យ២៥ឆ្នាំចូលរួមជាមួយក្រុមរហស្សនាមថាកញ្ជ្រោងដោយផ្ទេរពី Hull City កាលពីឆ្នាំ២០១៧ ហើយលេងសឹងគ្រប់ប្រកួតនៅ Premier League រដូវកាលមុន និងជាតួអង្គសំខាន់ជួយជម្រើសជាតិអង់គ្លេសឡើងដល់ World Cup វគ្គពាក់កណ្ដាលផ្ដាច់ព្រ័ត្រ។
Maguire ដែល Manchester United តាមទិញតែមិនជោគជ័យបាននិយាយថា៖ “Leicester បានផ្ដល់ឱកាសឲ្យខ្ញុំលេងនៅ Premier League និងអភិវឌ្ឍន៍សមត្ថភាពខ្ញុំរហូតបានលេង World Cup។ ខ្ញុំពិតជាអរគុណ និងយល់ថាខ្លួនឯងបានជំពាក់ក្លឹបច្រើន”។
ខ្សែការពាររូបនេះបានបង្ហាញខ្លួននៅប្រកួតទី១៣ជាមួយជម្រើសជាតិអង់គ្លេសតែចាញ់ អេស្ប៉ាញ ២-១ នៅ Wembley កាលពីថ្ងៃសៅរ៍ក្នុងប្រកួតបើកឆាកកម្មវិធី UEFA Nations League៕
ខ្សែរការពារ Harry Maguire បានបន្តកុងត្រា៥ឆ្នាំនៅ Leicester
អត្ថបទទាក់ទង
