បរទេស៖ ខ្សែការពារ Jarrad Branthwaite របស់ក្រុម Everton បានទទួលការចាប់អារម្មណ៍ពីសំណាក់ក្រុមបិសាចក្រហម Man United យោងគេហទំព័រ Daily Mail បានចុះផ្សាយ។
ក្រុមម្ចាស់ជើងឯកអង់គ្លេស២០សម័យមានផែនការច្បាស់លាស់ និង ចក្ខុវិស័យវែងឆ្ងាយក្រោយមើលឃើញថាកីឡាករវ័យ ១៨ ឆ្នាំសញ្ជាតិអង់គ្លេសរូបនេះនិងអាចអភិវឌ្ឍសមត្ថភាពរីកចម្រើនប្រសិនទទួលបានបណ្តុះបណ្តាលជាមួយពួកគេ។យ៉ាងណាមិញគ្រូបង្វឹក Everton លោក Carlo Ancelotti ធ្លាប់បានដាក់អោយរូបគេ ចូលលេងឈុតធំជាលើកដំបូងពេលជួប Wolver កាលពីខែមិថុនា ឆ្នាំមុន និង បន្តចូលលេងនៅ Premier League សរុបបាន៤ប្រកួត។
កីឡាករមានកាយសម្បទាល្អពោលគឺមានកំពស់១,៩៦ ម៉ែត្រ និងមានវ័យក្មេង Branthwaite បច្ចុប្បន្នកំពុងលេងក្នុងលក្ខណ្ឌខ្ចីជើងជាមួយក្រុមពីក្របខណ្ឌ Champion Shipគឺក្រុម Blackburn Rovers បានចូលរួមជាមួយក្លឹប Everton ពីក្រុមនៅលីកលំដាប់ទី៤ Carlisle ក្នុងតម្លៃត្រឹមតែ ១ លានផោនប៉ុណ្ណោះកាលពី ឆ្នាំ ២០២០៕
ប្រភពព័ត៍មាន៖ Daily Mail
