អតីតគ្រូបង្វឹកក្រុមជំរើសជាតិអ៊ីតាលី និងវិរៈបុរសរបស់ក្លិបបាល់ទាត់អ៊ីតាលី AC Milan លោក Roberto Donadoni ត្រូវបានតែងតាំងជាគ្រូបង្វឹកថ្មីនៃក្លិបចិន Shenzhen FC នៅក្របខណ្ឌលីគកំពូលចិន Chinese Super League។
បុរសវ័យ 55ឆ្នាំរូបនេះបានមកដល់តំណែងនេះបន្តពីលោក Juan Ramos Lopez Caro ដែលបានដឹកនាំក្រុម Shenzhen FC ឡើងមកក្របខណ្ឌកំពូលរដូវកាលមុន។ តែរដូវកាលនេះគ្រូបង្វឹកសញ្ជាតិអេស្ប៉ាញរូបនេះ ក៏បានលាលែងពីតំណែង ខណៈក្រុម Shenzhen FC ស្ថិតក្នុងតំបន់ដែលត្រូវកាត់ចោល ក្រោយរកជ័យជំនះមិនបានសោះ 12ប្រកួតជាប់គ្នា ហើយឈ្នះតែ 3ប្រកួត និងស្មើ 5ប្រកួតក្នុងចំណោម 20សប្ដាហ៍រដូវកាលនេះ។
លោក Roberto Donadoni ធ្លាប់ដឹកនាំក្រុមជំរើសជាតិអ៊ីតាលីឡើងវគ្គ 8ក្រុមចុងក្រោយជើងឯកអឺរ៉ុបឆ្នាំ2008 ខណៈអាជីពជាកីឡាករលោកធ្លាប់ឈ្នះជើងឯក Italia Serie A ម្តង, Coppa Italia, UEFA Champions League និង UEFA Super Cup ជាមួយ AC Milan៕
អតីតគ្រូបង្វឹកអ៊ីតាលី Roberto Donadoni ក្លាយជាគ្រូបង្វឹកក្លិបចិន Shenzhen FC