កីឡាករវ័យក្មេងរបស់កម្ពុជា ២រូបរួមមានកីឡាករ ឡេង ណូរ៉ា របស់ក្រុមយុវជន U-17 វិសាខា និងកីឡាករ ឈួន ពីលី របស់សាលាបាល់ទាត់ជាតិបាទី ត្រូវបានសហព័ន្ធកីឡាបាល់ទាត់អាស៊ីអាគ្នេយ៍ (AFF) ជ្រើសរើសចូលរួមកម្មវិធីបោះជំរំហ្វឹកហាត់ និងប្រកួតនៅប្រទេសថៃចាប់ពីថ្ងៃទី២៧ ខែកញ្ញារហូតដល់ថ្ងៃទី០៥ ខែតុលា ឆ្នាំ២០១៩ ខាងមុខ។
ទន្ទឹមជាមួយគ្នាកីឡាករ ឡេង ណូរ៉ា និង ឈួន ពីលី បានសម្ដែងក្ដីរីករាយជាខ្លាំង ក្រោយត្រូវបានជ្រើសរើសចូលរួមកម្មវិធីលក្ខណៈអន្តរជាតិនេះ ដែលនឹងផ្ដល់ឲ្យពួកគេទទួលបាននូវបទពិសោធន៍ និងបច្ចេកទេសថ្មីៗបន្ថែមទៀត។ នេះបើតាមការបញ្ជាក់ក្រុមការងារទូរទស្សន៍ BTV-News កាលពីពេលថ្មីៗ។
បើតាមការបញ្ជាក់របស់មន្ដ្រីសហព័ន្ធកីឡាបាល់ទាត់កម្ពុជាបានឲ្យដឹងថា សហព័ន្ធកីឡាបាល់ទាត់អាស៊ីអាគ្នេយ៍ បានធ្វើការជ្រើសរើសយុវជនគ្រប់បណ្ដាប្រទេសក្នុងតំបន់អាស៊ាន ក្នុងមួយប្រទេស ២នាក់ដើម្បីចូលរួមកម្មវិធីហ្វឹកហាត់ និងផ្លាស់ប្ដូរបទពិសោធន៍នៅប្រទេសថៃ។ បន្ទាប់ហ្វឹកហាត់ហើយនោះ ក្រុមយុវជនចម្រុះជាតិសាសន៍អាស៊ាននេះ ក៏នឹងមានការប្រកួតមិត្តភាពជាមួយក្រុមជម្រើសជាតិយុវជនថៃ នាដើមខែតុលាផងដែរ៕
អត្ថបទ៖ លី ឈុនឡា Credit: BTV
សូមចុចលីងនេះដើម្បីលៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង