ប្រធានក្លិបបារាំង Lille លោក Gerard Lopez មានជំនឿថា ក្រុមរបស់លោកអាចនឹងធ្វើអោយមានការភ្ញាក់ផ្អើលក្នុងពូល H នៅ UEFA Champions League នេះទោះបីក្នុងពូលមានក្រុមខ្លាំង Chelsea និង Ajax ក៏ដោយ។
បញ្ចប់រដូវកាលជើងឯករងនៅលីគកំពូលបារាំងនោះមានន័យថា Lille បង្ហាញខ្លួននៅក្របខណ្ឌក្លិបកំពូលអឺរ៉ុបជាលើកដំបូងក្នុងរយៈពេល ៧ឆ្នាំ តែបន្ទាប់ពីចាញ់ Ajax ៣–០ នៅទឹកដីហូឡង់ក្នុងប្រកួតដំបូង លោក Lopez គិតថា ប្រសិនក្រុមរបស់លោកអាចឈ្នះ Chelsea រាត្រីថ្ងៃពុធនេះបាន អាចនឹងធ្វើអោយគ្រប់គ្នាមើលឃើញថា ក្រុមបារាំងមួយនេះអាចធ្វើអោយក្រុមខ្លាំងទាំងពីរភ័យខ្លះដែរ។
ប្រធានក្លិប Lille ដែលជាអ្នកវិនិយោគមានដើមកំណើតកូនកាត់លុចហ្សាំបួរ-អេស្ប៉ាញរូបនេះធ្លាប់ជាម្ចាស់ក្រុមប្រណាំង F1 Lotus ផងដែរមុនចូលមកកាន់កាប់ Lille នៅខែមករា ឆ្នាំ២០១៧។ បន្ទាប់ពី Lille រួចផុតពីការកាត់ចោលមួយពិន្ទុកាលពី ១៨ខែមុន បុរសវ័យ ៤៧ឆ្នាំរូបនេះបានចូលមកកាន់តំណែង នៅក្លិបដែលលោកទុកចិត្តកំលាំងកីឡាករ ដែលសំបូរយុវជនក្មេងៗដែលមានទេពកោសល្យ។
ក្នុងនោះដែរ Lille បានលក់ចេញកីឡាករកូឌីវ័រ Nicolas Pepe ទៅ Arsenal បានដល់ទៅ ៧៩លានអឺរ៉ូ។ បច្ចុប្បន្ន Lille កំពុងឈរលេខ៤ ក្នុងតារាងក្របខណ្ឌបារាំង Ligue១ មាន ១៤ពិន្ទុក្រោយលេងបាន ៨សប្តាហ៍ដេញពីក្រោយក្រុមកំពូលតារាង Paris Saint Germain ៤ពិន្ទុ៕
អត្ថបទ៖នាង សុភាវុធ Credit: BTV
សូមចុចលីងនេះដើម្បីលៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង