ប្រទេសអុីតាលី៖ ក្រុម Lecce ត្រូវបានកាត់ចេញពីក្របខ័ណ្ឌ Serie A កាលពីថ្ងៃអាទិត្យ ក្រោយពីលេងបានត្រឹមតែ១រដូវកាល ក្នុងក្របខ័ណ្ឌកំពូល ខណៈដែលរដូវកាលជាប្រវត្តិសាស្ត្រមួយទាំងនៅលើ និងក្រៅទីលាន ក្នុងប្រទេសអ៊ីតាលី បានឈានដល់ទីបញ្ចប់។
ក្រុមរបស់លោក Fabio Liverani បានរងបរាជ័យក្នុងលទ្ធផល ៤-៣ នៅលើទឹកដីខ្លួនឯង ក្រោមស្នាដៃក្រុម Parma ប៉ុន្តែ នៅពេលដែលត្រូវធ្លាក់ចេញទៅកាន់ក្របខ័ណ្ឌ Serie B ទោះបីពួកគេបានទទួលជ័យជម្នះក៏ដោយ ដោយសារតែក្រុមប្រជែងគេចឲ្យផុតពីតំបន់កាត់ចោល Genoa បានយកឈ្នះលើក្រុម Hellas Verona ក្នុងលទ្ធផល ៣-០ ក្នុងការប្រកួតមួយដែលក្រុមទាំងបានរងពិន័យកាតក្រហមចំនួន៤។ ក្រុម Lecce ដែលបានធ្លាក់ទៅកាន់ក្របខ័ណ្ឌ Serie B ក្រោយពីបានបញ្ចប់ក្នុងចំណាត់ថ្នាក់លេខ១៧នោះ បានដេញតាមពីក្រោយក្រុម Genoa ១ពិន្ទុ មុននឹងឈានទៅកាន់ការប្រកួតជុំចុងក្រោយ និងត្រូវតែផ្តួលក្រុម Parma ហើយសង្ឃឹមថា Genoa មិនអាចដណ្តើមបានជ័យជម្នះ ពេលប៉ះក្រុម Verona ដើម្បីបន្តនៅក្នុងក្របខ័ណ្ឌកំពូល។
ជាមួយគ្នានេះ ក្រុម Inter Milan យកឈ្នះលើក្រុម Atalanta ក្នុងលទ្ធផល ២-០ ដើម្បីបញ្ចប់ក្នុងនាមជាក្រុមម្ចាស់ជើងឯករង បន្ទាប់ពីក្រុម Juventus៕
ប្រភពព័ត៌មាន៖ Channel News Asia
