ប្រទេសអង់គ្លេស៖ កីឡាករចំណូលថ្មីរបស់ក្លិប Man City គឺខ្សែបម្រើស្លាប Ferran Torres បានបង្ហើបប្រាប់ពីមូលហេតុដែល ខកចិត្តជាមួយថ្នាក់ដឹកនាំក្លឹប Valencia ដែលជាមូលហេតុសំខាន់។
កីឡាករជម្រើសជាតិអេស្បាញវ័យក្រោម២១ឆ្នាំរូបនេះបន្តថាៈ គាត់បានសំរេចចិត្តចាកចេញពីក្លឹបរហស្សនាមប្រចៀវខ្មៅបន្ទាប់ពីមិនទទួលបានទំនុកចិត្ត បើទោះបីជាកន្លងមកក្លឹបបានប្រាប់គាត់ថានិងដាក់អោយរូបគេចូលលេងក្នុងនាមជម្រើស១១នាក់ដំបូងសម្រាប់ រដូវកាល ២០១៩-២០២០កន្លងមក។ ប៉ុន្តែអ្វីៗមិនដូចការគិត Torres បានត្រឹមតែជាប់ជាកីឡាករជម្រើសទី៥ប៉ុណ្ណោះនៅក្នុងក្លិប។
Torres បានប្រាប់គេហទំព័រ Marca ថាៈ ពេលដែលបញ្ចប់ព្រឹត្តការណ៏ប្រកួតពានរង្វាន់ Championship សម្រាប់កីឡាករអាយុក្រោម១៩ឆ្នាំ ក្លឹបបានប្រាប់ខ្ញុំផ្ទាល់ថាៈ ពួកគេមិនបានចាត់បញ្ចូលខ្ញុំក្នុងជាសមាជិកសំខាន់ទេ តែផ្ទុយទៅវិញពួកគេមាន ជម្រើសកីឡាករផ្សេងជំនួសខ្ញុំទៅវិញ។
ទីបំផុតនៅថ្ងៃអង្គារកន្លងទៅ លោក Pep Guardiola បានបំពេញកិច្ចព្រមព្រៀងក្នុងតម្លៃ ២១ លានផោន (២៧ លានដុល្លារ) ដើម្បីចុះហត្ថលេខាកីឡាករវ័យក្មេងដែលត្រូវបានគេចាត់ទុកជាខ្សែបម្រើដ៏ទេពកោសល្យលេចធ្លោម្នាក់នៅ អឺរ៉ុបមកកាន់កីឡាដ្ឋាន Etihad Stadium ជាផ្លូវការណ៏៕
ប្រភពព័ត៍មាន៖ Goal