បរទេស៖ Barcelona កំពុងត្រៀមដាក់លក់កីឡាករដែលជាប់ជម្រើស១១នាក់ដំបូងរបស់ខ្លួនចេញពីក្រុម ខណៈការលើកឡើងនេះអាចនិងក្លាយជាគោលដៅចាប់អារម្មណ៍សម្រាប់ក្លឹបធំៗ ដ៏ទៃទៀតនិងចាប់ផ្តើមធ្វើការចរចារ។មានន័យថាកីឡាករទាំងអស់ដែលលេងនៅគ្រប់ទម្រង់ និងត្រូវដាក់ចូលក្នុងបញ្ជីលក់ចេញតាមការជ្រើសរើស និង សម្រេច របស់គ្រូបង្វឹកព្រមទាំងក្លឹប។
ជារឿងគួរចាប់អារម្មណ៏គឺខ្សែការពារ Gerard Pique ដែលស្ថិតក្នុងចំណោមកីឡាករដែលក្លឹបមិនបានប្រកាសថាលក់យោងតាមប្រធានក្លឹបលោក Joseph Maria Bortameu កាលពីថ្ងៃអង្គារយ៉ាងណាក្តី។
បើទោះបីជា Pique ខ្លួនឯងធ្លាប់បាននិយាយថានិងចាកចេញពីក្លឹប ក្រោយបរាជ័យនៅក្របខណ្ឌ Champion League ជាមួយ Bayern Munich វគ្គ៨ក្រុមចុងក្រោយក្នុង គោលបំណង នាំមកនូវការផ្លាស់ប្តូរទម្រង់លេងសម្រាប់ក្រុមកាតាឡានវិលត្រលប់មករកទម្រង់លេងល្អដូចដើមវិញក្តី។
Fulhamជាក្លឹប មានមូលដ្ឋាននៅទីក្រុងឡុងដ៍ បានផ្តល់សំណើរមកដល់ក្លឹប Barcelona ខណៈក្រុមកំពុងតែស្វែងរកខ្សែការពារដែលមាន បទពិសោធន៍ដើម្បីជួយក្រុមរបស់ពួកគេ បន្ទាប់ពីបានវិលត្រឡប់មកកាន់លីកកំពូលអង់គ្លេសវិញនៅរដូវកាលថ្មី។ខ្សែការពារក្រុមជម្រើសជាតិអេស្បាញវ័យ ៣៣ ឆ្នាំមានបទពិសោធន៏លេងនៅក្របខណ្ឌ Premier League ឱ្យក្រុមបិសាចក្រហម Manchester United កាលពីយុវជនមុនពេលវិលត្រលប់ទៅ Barcelona នៅឆ្នាំ ២០០៨ ក្រោមការដឹកនាំរបស់លោក Pep Guardiola៕
ប្រភពព័ត៍មាន៖ Sport.es