បរទេស៖ គេហទំព័រ Sky Sports បានចុះផ្សាយថាខ្សែបម្រើ Daniel James ចង់បន្តលេងនៅក្រុម Man United នៅរដូវកាលនេះបន្តទៀតទោះបីជាមានការស្នើសុំខ្ចីជើងរូបគេពីសំណាក់ក្លឹប Leeds United យ៉ាងណាក៏ដោយ។

ទោះយ៉ាងណាលោក Ole Gunnar Solskjaer រីករាយនិងវត្តមានកីឡាករ​អន្តរជាតិ​វេល​រូពនេះលេងនៅទឹកដី Old Trafford បន្តទៀត  តែប្រសិនជាក្លឹបសម្រេចកិច្ចព្រមព្រៀ​ង​ក្នុង​ការផ្ទេរយកខ្សែប្រយុទ្ធ Jandon Sancho ពីក្លឹប Dortmund មុនទីផ្សារដោះដូរ​កីឡាករ​និង​បិទនៅថ្ងៃទី៥តុលា នោះគ្រូបង្វឹកសញ្ជាតិន័រវេរូបនេះ និងសម្រេចចិត្តសាជថ្មីថាគួរអោយ​រូប​គេ​ទៅ​ក្លឹបដទៃខ្ចីជើងរឺយ៉ាងណានោះ។

គួរបញ្ជាក់ថាក្លឹបទើបនិងបង្ហាញវត្តមាននៅក្របខណ្ឌ Premier League ខាងលើស្ទើរតែចុះ ហត្ថលេខានាំយក James ពីក្លឹប Swansea ក្នុងខែមករាឆ្នាំ ២០១៩ ប៉ុន្តែកិច្ចព្រម​ព្រៀង​មិន​បានដំណើរ ការដោយរលូននោះទេ ទោះបីជារូបគេបានឆ្លងកាត់ការ​ពិនិត្យសុខភាព​រួច​រាល់​ហើយ​ក្តី។សម្រាប់រដូវកាលថ្មីនេះអតីតកីឡាករ Swansea រូបនេះបានបង្ហាញខ្លួនចូលលេង​ពេល Man Utd បរាជ័យនៅទឹកដីខ្លួនឯងក្រោមថ្វីជើង Crystal Palace តែមិនបានចូលលេង ពេលយកឈ្នះ Brighton នៅសប្តាហ៏ទី២នោះទេ៕

ប្រភពព័ត៍មាន៖ SkySports