បរទេស៖ Edouard Mendy អ្នកចាំទីរបស់ក្រុមតោខៀវ Chelsea បានរងរបួសអំឡុងពេលហ្វឹកហាត់ជាមួយក្រុមជម្រើសជាតិសេណេហ្គាល់។ គួរបញ្ជាក់ថាកីឡាករវ័យ ២៨ឆ្នាំរូបនេះត្រូវបានចុះហត្ថលេខាក្នុងកិច្ចព្រមព្រៀង ២២លានផោនពីក្លឹប Rennes កាលពីខែកញ្ញា ដើម្បីជំនួសតំណែងអ្នកចាំទីដៃទី១គឺកីឡាករអន្តរជាតិអេស្បាញ Kepa Arrizabalaga ។
សហព័ន្ធបាល់ទាត់សេណេហ្គាល់បានបញ្ជាក់ថា Mendy បានរងរបួសភ្លៅខាងស្តាំអំឡុងពេលហ្វឹកហាត់កាលពីថ្ងៃពុធក្រោយធ្វើតេស្ត៏សុខភាពនៅទីក្រុង Rabat ប៉ុន្តែឥឡូវនេះបានដកខ្លួនចេញពីក្រុមសេណេហ្កាល់និង វិលត្រលប់ទៅកាន់ក្លឹប Chelsea វិញ ដើម្បីពិនិត្យនិងព្យាបាលបន្តទៀត។ បង្ហាញខ្លួនលើកដំបូងនៅក្របខណ្ឌ Premier League កាលពីចុងសប្តាហ៍មុន Mendy ធ្វើបាន Cleansheet (មិនអោយគូបដិបក្សស៊ុតបញ្ចូលទីបាន)ដោយ ជួយអោយក្រុមតោខៀវ Crystal Palace ៤-០ នៅលើទឹកដី Stamford Bridge ។
សេណេហ្គាល់នឹងត្រូវប្រកួតមិត្តភាពជាមួយម៉ារ៉ុកនៅថ្ងៃសុក្រនិងម៉ូរីតានីនៅថ្ងៃអង្គារ ហើយរូបគេអាចនិងមិនអាចបង្ហាញខ្លួនអោយ Chelsea សម្រាប់ការប្រកួតក្របខណ្ឌ Premier League ជាមួយក្រុម Southampton នៅថ្ងៃទី ១៧ខែតុលាសប្តាហ៏ក្រោយ៕
ប្រភពព័ត៍មាន៖ Metro
