បរទេស៖ លោក Mark Hughes អតីតប្រធានក្រុមជម្រើសជាតិវែលបាននិយាយថាអតីតមិត្តរួមជាតិ Ryan Giggs មានសមត្ថភាពអាចដឹកនាំក្លឹបបិសាចក្រហម Man United បាន។ អតីតគ្រូបង្វឹក Man City យល់ឃើញថាវីរបុរសក្រុម Man Utd បានខកខានឪកាសដឹកនាំក្លឹបដែលរូបលោកធ្លាប់បានលេងពេញមួយអាជីពនៅក្នុងឆ្នាំ ២០១៦ព្រោះពេលនោះក្លឹបចង់បានគ្រូបង្វឹកដែលល្បីឈ្មោះចូលកាន់តំណែង ហើយគ្មាននរណាក្រៅពីលោក Jose Mourinho ដើម្បីប្រជែងជាមួយអ្នកចាត់ការទូទៅក្រុមមេឃខៀវ Man City លោក Pep Guardiola។
បុរសវ័យ៥៦ឆ្នាំរូបនេះបន្តថាៈអ្នកចាត់ការទូទៅក្រុមជម្រើសជាតិវែល Giggs បច្ចុប្បន្នមានវ័យ៤៦ឆ្នាំកាន់តែអភិវឌ្ឍខ្លួនបានល្អបំផុតនិងអាចមានឪកាសចូលមកដឹកនាំក្លឹបឈុតធំនៅទឹកដី Old Trafford។ ខណៈនេះគាត់អាចដឹកនាំក្លឹបជើងឯកអង់គ្លេស២០សម័យ ពោលគឺច្រើនជាងពេលដែលអតីតគ្រូបង្វឹកលោក Louis van Gaal ដែលបានចាកចេញក្នុងឆ្នាំ ២០១៦។
Giggs គួររំលឹកថាអតីតខ្សែបម្រើ-ស្លាបធ្លាប់មានបទពិសោធន៏ការារជាមួយអតីតគ្រូបង្វឹក David Moyes និងបន្ទាប់ពីរូបលោកត្រូវក្លឹបបញ្ចប់តំណែងរូបគេក៏ទទួលបានសេចក្តីទុកចិត្តពីលោក Van Gaal ដើម្បីបន្តការងារដដែលនេះនៅពេលរូបលោកចូលកាន់តំណែងក្នុងឆ្នាំ២០១៤។ សម្រាប់ក្រុមជម្រើសជាតិវែល Giggs បានចាប់ផ្តើមការងារដំបូងនៅឆ្នាំ២០១៨ហើយបានដឹកនាំប្រទេសកំណើតមានកៅអីទៅលេងពានរង្វាន់ទ្វីបអឺរ៉ុបឆ្នាំ ២០២០ តែត្រូវបានលើកពេលទៅឆ្នាំ២០២១ដោយសារមេរោគកូវីត-១៩៕
ប្រភពព័ត៍មាន៖ BBC
