បរទេស៖ ក្លិប Chelsea សង្ឃឹមថា ខ្សែប្រយុទ្ធ Olivier Giroud នឹងបន្តអាជីពរបស់គេនៅក្លិបស្ថិតក្នុងក្របខ័ណ្ឌ Premier League មួយនេះ ប៉ុន្តែ នឹងមិនរក្សាវត្តមានក្នុងក្រុមបាល់ទាត់ជម្រើសជាតិបារាំងបានឡើយ ប្រសិនបើរូបគេសម្រេចចិត្តចាកចេញ។
នេះបើយោងទៅតាមការបញ្ជាក់របស់លោក Frank Lampard កាលពីថ្ងៃចន្ទ។ Giroud បានបង្ហាញខ្លួនក្នុងការប្រកួតក្របខ័ណ្ឌលីកត្រឹមតែ៤លើកគត់ ក្នុងនាមជាកីឡាករបម្រុងនៅរដូវកាលនេះ ខណៈដែលលោក Lampard ពេញចិត្តប្រើប្រាស់ខ្សែប្រយុទ្ធ Timo Werner និង Tammy Abraham ជាង ហើយលោក Didier Deschamps គ្រូបង្វឹកនៃក្រុមបាល់ទាត់ជម្រើសជាតិបារាំង បានបញ្ជាក់ថា កីឡាករវ័យ៣៤ឆ្នាំរូបនេះ ត្រូវតែដោះស្រាយស្ថានភាពរបស់គេ ដើម្បីគេចផុតពីផលប៉ះពាល់ដល់អនាគតរបស់គេក្នុងក្រុមជម្រើសជាតិ។
Soccer Football – Premier League – Newcastle United v Chelsea – St James’ Park, Newcastle, Britain – November 21, 2020 Chelsea manager Frank Lampard inside the stadium before the match Pool via REUTERS/Lee Smith
ស្របពេលដែលកិច្ចសន្យារបស់ Giroud នឹងត្រូវបញ្ចប់នៅខែមិថុនា ភ្នាក់ងាររប់សគេបានបញ្ជាក់កាលពីពេលថ្មីៗនេះ ខ្សែប្រយុទ្ធរូបនេះ អាចនឹងស្វែងរកផ្លូវចាកចេញពីកីឡដ្ឋាន Stamford Bridge ក្នុងពេលបើកទីផ្សារដោះដូរកីឡាករនៅខែមករា។ នៅមុនពេលការប្រកួតក្របខ័ណ្ឌ Champions League លើទឹកដីក្រុម Stade Rennais នៅរាត្រីនេះ លោក Lampard បានប្រាប់អ្នកយកព័ត៌មានថា៖ «Oli គឺជាសមាជិកដ៏សំខាន់ក្នុងក្រុមរបស់យើង។ រូបគេតែងតែចង់លេងឲ្យបានច្រើន។ ខ្ញុំចង់ឲ្យរូបគេនៅទីនេះ ប៉ុន្តែ ខ្ញុំមានទំនាក់ទំនងដ៏ល្អជាមួយនឹងរូបគេ ប្រសិនបើរូបគេមានអារម្មណ៍ផ្សេងពីនេះ យើងនឹងមានការសន្ទនាគ្នាមួយ»៕
ប្រភពព័ត៌មាន៖ Channel news Asia
