បរទេស៖ កីឡាករ Tanguy Ndombele បានបដិសេធមិនបោះបង់ចោលឱកាសក្នុងការប្រជែងតំណែង សម្រាប់ ក្រុម​ជម្រើសជាតិដើម្បីត្រៀមចូលរួមព្រឹត្តិការណ៍ប្រកួតយូរ៉ូឆ្នាំ ២០២០ ដែលត្រូវលើកពេល​ទៅឆ្នាំ​២០២១ បន្ទាប់​ពីចាប់ផ្តើម​រដូវកាល​ថ្មីនេះ​។Ndombele បានបង្ហាញ​ទម្រង់លេងល្អសម្រាប់​ក្រុមមាន់​ខ្នាយ​មាស Tottenham ដោយជាប់ជម្រើស១១នាក់ ដំបូងដល់ទៅ៧ដងសម្រាប់ការប្រកួត៩លើក។

រដូវកាលចាស់ Ndombele រកបាន១គ្រាប់និងបង្កើតឪកាសបានតែ២ដងប៉ុណ្ណោះ។ ខណៈរដូវកាលថ្មី រូបគេបានបន្តបង្កើតឪកាសអោយមិត្តរួមក្រុមស៊ុតបញ្ចូលទីបានដល់ទៅ៧ដងផងដែរ។

Spurs បានបំបែកឯកត្តកម្មក្លិបនូវទឹកប្រាក់ចំនួន ៦៤ លានផោន​ដើម្បី​ចុះហត្ថលេខាលើ​ខ្សែបម្រើ​រូបនេះ​ពីក្លិប Lyon រដូវកាលមុនប៉ុន្តែបញ្ហារបួសនបានធ្វើអោយរូបគេមិនបង្ហាញទម្រង់លេងនៅ ក្រប​ខណ្ឌ Premier League បានល្អ ក្រោមការដឹកនាំរបស់លោក Jose Mourinho ខណៈពេលនោះ​Spur​ត្រៀមលក់ Ndombele ក្រោយពី Juventus សម្តែងការចំណាប់​អារម្មណ៍​កាល​ពី​ដើមឆ្នាំនេះផងដែរ៕

ប្រភពព័ត៍មាន​៖ Besoccer