បរទេស៖ បន្ទាប់ពីបានដើរតួនាទីទទួលខុសត្រូវជាគ្រូបង្វឹកក្រុមជម្រើសជាតិកូឡុំប៊ីអស់រយៈពេលជិត ២ ឆ្នាំមក លោក Carlos Queiroz បានលាឈប់ពីតួនាទីក្រុមនៅតំបន់អាមេរិកឡាទីនមួយនេះជាផ្លូវការណ៏ហើយ ។ការចាកចេញរបស់អតីតជំនួយការកំពូលគ្រូបង្វឹកក្រុមបិសាចក្រហមលោក Sir Alex Ferguson និង ធ្លាប់ជាគ្រូបង្វឹក Real Madridវ័យ ត្រូវបានសហព័ន្ធកីឡាបាល់ទាត់កូឡុំប៊ី (FCF) ធ្វើការប្រកាស ជាផ្លូវការណ៏កាលពីថ្ងៃអង្គារបន្ទាប់ពីទទួលបានលទ្ធផលមិនល្អក្នុងវគ្គជម្រុះ World Cup ឆ្នាំ២០២២ ក្នុងនាមកាតាជាម្ចាស់ផ្ទះ។
កូឡុំប៊ីដែលធ្លាប់បានបានបង្ហាញខ្លួនក្នុងព្រឹត្តិការណ៍ World Cup ចំនួនពីរលើកកន្លងមកជាប្រវត្តិសាស្រ្តនោះគឺទើបតែទទួលបានជ័យជំនះតែម្តងគត់ សម្រាប់ការប្រកួតជម្រុះបួនលើករបស់ពួកគេនិងមាន៤ពិន្ទុឈរនៅចំណាត់ថ្នាក់ទី ៧ឯណោះ។មានន័យថាៈ ពួកគេបានផ្តួលវេណេស៊ុយអេឡានិងស្មើជាមួយឈីលីតែបានបរាជ័យក្នុងលទ្ធផល ៣ទល់និង ០ លើទឹកដីខ្លួនឯងជាមួយអ៊ុយរូហ្គាយមុនពេលបរាជ័យយ៉ាងដំណំក្នុងលទ្ធផល ៦ទល់និងង១ក្រោមថ្វីជើងអេក្វាទ័រ។
កូឡុំប៊ីក៏នឹងត្រៀម តែងតាំងគ្រូបង្វឹកថ្មីនៅខែមីនាខាងមុខមុនពេលពួកគេត្រៀមប្រកួត ជាមួយប្រេស៊ីលនិងប៉ារ៉ាហ្គាយខណៈបេក្ខភាពពីររូបរំពឹងថាឈានដល់ការប្រជែងគ្នាដើម្បីចូលដឹកនាំគឺលោក Jorge Luis Pinto និង Juan Carlos Osorio៕
ប្រភពព័ត៍មាន៖ Goal