បរទេស៖ ក្រុមបិសាចក្រហម Man United កំពុងតែឃ្លាំមើលកីឡាករ Kieran Trippier ខណៈដែលអ្នកចាត់ការទូទៅលោក Ole Solskjaer ចង់បានខ្សែការពារស្តាំម្នាក់ទៀតដើម្បីប្រកួតប្រជែងតំណែងរបស់កីឡាករ Wan-Bissaka បន្ទាប់ពីរូបគេបង្ហាញទម្រង់លេងល្អនៅរដូវកាលទី២នេះ។
ទោះបីជាបានជាប់ជម្រើសដំបូងចូលលេងនៅរដូវ កាលនេះ បានគ្រប់ការប្រកួតតែសម្រាប់កីឡាករអន្តរជាតិអង់គ្លេស Wan-Bissaka វ័យ២៣ឆ្នាំយ៉ាងណាមិញក្រុមម្ចាស់ ជើងឯកអង់គ្លេស ២០សម័យក៏មានជម្រើសកីឡាករម្នាក់ផ្សេងទៀតដែលមានស្រាប់គឺ Tim Fosu- Mentah ស្ថិតក្នុងជម្រើស១ទៀតសម្រាប់តំណែងនេះផងដែរ ។ យោងគេហទំព័រ The Telegraph បានអោយដឹងថាលោក Solskjaer និងដាក់សំណើរទៅកាន់ក្រុមកំពុងឈរកំពូលតារាងឡាលីហ្គាគឺ At Madrid នៅរដូវក្តៅ ច្រើនជាងពេលទីផ្សារដោះដូរកីឡាករនិងបើកជាលើកទី២នៅខែមករាឆ្នាំ២០២១ខាងមុខនេះ។
Trippier សញ្ជាតិអង់គ្លេសវ័យ ៣០ ឆ្នាំរូបនេះឈានដល់ឆ្នាំចុងក្រោយនៃកិច្ច សន្យារបស់ខ្លួន នៅ កីឡាដ្ឋាន Wana Metropolitno ក្រោយចាកចេញពី Tottenham កាលពីឆ្នាំមុន។ ដូច្នេះអាចជាឪកាស សម្រាប់ Man Utd នាំយករូបគេ មករួមក្រុមក្នុងតម្លៃមួយដែលសមរម្យបំផុតបន្ទាប់ពីTrippier ចូលរួម ជាមួយក្រុមលោកDiego Simeone ក្នុងតម្លៃខ្លួន២០លានផោនប៉ុណ្ណោះ៕
ប្រភពព័ត៍មាន៖ Mirror
