បរទេស៖ Real Madrid កំពុងសម្លឹងឃើញឪកាស ផ្ទេរយក ខ្សែការពារកណ្តាល Macos Senesi ពីក្លឹប Feyenoordនៅលីកកំពូលហូឡង់មកជំនួស ប្រធានក្រុមSergio Ramos ដែលមិនទាន់ចុះកិច្ចសន្យាថ្មីជាមួយក្លឹបនៅឡើយ ។
កីឡាករវ័យ ២៣ ឆ្នាំបានចូលរួមជាមួយ Feyenoord ពីក្លឹបនៅស្រុកកំណើត San Lorenzo កាលពីខែកញ្ញាឆ្នាំ ២០១៩ និងបានក្លាយជាកីឡាករសំខាន់ម្នាក់សម្រាប់ក្រុមដោយបង្ហាញខ្លួនបាន ៤៨ លើកគ្រប់ក្របខណ្ឌប្រកួតទាំងអស់ជាមួយការចង់បានពីសំណាក់ក្លឹប ACMilan, Atlanta និង Napoli ផងដែរ។ រដូវកាល២០២០-២០២១នេះ Senesi មានឪកាសរកបានគ្រាប់បាល់ស៊ុតបញ្ចូលទី ២ គ្រាប់ និងបង្កើតឪកាស បាន ២ លើកនៅលីកកំពូលហូឡង់។
សម្រាប់កីឡាករអន្តរជាតិអាហ្សង់ទីនវ័យ២៣ឆ្នាំSenesi មានតម្លៃខ្លួន៣៥ លានផោនប៉ុន្តែគ្រូបង្វឹកលោក Dick Advocaat នៅរារែកមិនចង់អោយអោយរូបគេចាកចេញក្នុងតម្លៃខាងលើនិងត្រៀមផ្តល់កិច្ចសន្យាថ្មីជាមួយនឹងតម្លៃទិញផ្តាច់កុងត្រា Senesi មានតម្លៃខ្លួន ៤៤ លានផោនឯណោះ៕
ប្រភពព័ត៍មាន៖ Sportsmole