បរទេស៖ Kylian Mbappe បានក្លាយជាកីឡាករវ័យក្មេងជាងគេក្នុងប្រវត្តិសាស្ត្រ Champions League ដោយរកបានគ្រាប់បាល់២៥ គ្រាប់ កាលពីយប់ថ្ងៃពុធពេលរកគ្រាប់បាល់បើកឆាកអោយPSGក្នុងជំនួបស្មើគ្នា១ទល់និង១ជាមួយBarcelona។ លទ្ធផលនេះនាំអោយMbappe បានបំបែក កំនត់ត្រារៀមច្បង Lionel Messi ដែលជាប្រធានក្រុមBarcelona ដោយស្ថិតក្នុងវ័យទើបតែ ២២ ឆ្នាំនិង ៨០ ស្របពេលម្ចាស់ពានបាល់មាស ៦សម័យ Messi ធ្លាប់រកគ្រាប់បាល់២៥គ្រាប់ អោយBarcelona នៅពេលដែលរូបគេមានវ័យដល់ទៅ ២២ ឆ្នាំនិង ២៨៦ ថ្ងៃឯណោះ។
សមាជិកជ័យលាភីWorld Cup ២០១៨ មានឪកាសរកគ្រាប់បាល់បើកឆាកអោយ PSG ក្នុងការប្រកួតជើងទី២ វគ្គ១៦ក្រុមជាមួយក្រុមភ្ញៀវ Barcelona កាលពីថ្ងៃពុធដោយរកបានគ្រាប់បាល់ប៉េណាល់ទីនៅនាទីទី ៣១ មុនពេលLionel Messi មានឪកាសវាយបកតាមស្មើនៅនាទីទី៣៧ដោយបាល់ពិន័យ១១ម៉ែត្រ។ទោះយ៉ាងណា កីឡាករវ័យ៣៣ឆ្នាំរូបនេះខកខានឪកាសរកគ្រាប់បាល់ទី២ដោយបាល់ពិន័យ១១ម៉ែត្រដដែល ក្រោយពីKeylor Navas ជួយសង្គ្រោះបាន ។
Mbappe ក៏បានក្លាយជាកីឡាករដំបូងគេបំផុតទី១ដែលស៊ុតបញ្ចូលទីBarcelona ច្រើនបំផុត ដល់ទៅ៤គ្រាប់ក្នុងមួយរដូវកាល បន្ទាប់ពីរកកបាន៣គ្រាប់(Hat-trick) សម្រាប់ការប្រកួតជើងទី១ក្រោយផ្តួលBarcelona ក្នុងលទ្ធផល៤ទល់និង១ ផងដែរ។
