បរទេស៖ Gareth Bale បានឲ្យកាលពីថ្ងៃអង្គារថា រូបគេគ្រោងចាប់ផ្តើមអាជីពរបស់គេជាថ្មីនៅក្លិប Real Madrid នៅពេលដែលពេលវេលាខ្ចីជើងរបស់គេ នៅក្លិប Tottenham បញ្ចប់នៅចុងរដូវកាលនេះ។
ខ្សែប្រយុទ្ធអន្តរជាតិវេលស៍រូបនេះ បានលេងឲ្យក្លិប Tottenham ជាលើកទី២ កាលពីខែកញ្ញា ក្រោយពីត្រូវបានបង្កក ដោយលោក Zinedine Zidane គ្រូបង្វឹករបស់ក្លិប Real Madrid។ រូបគេបានជួបពេលវេលាដ៏ត្រដាបត្រដួសនៅក្នុងក្របខ័ណ្ឌ Premier League ដោយសារតែបញ្ហានៃភាពរឹងមាំ ការមានទម្រង់លេងមិនទៀងទាត់ និងជម្លោះជាមួយនឹងលោក Jose Mourinho គ្រូបង្វឹករបស់ក្រុម Tottenham ជុំវិញការត្រៀមលក្ខខណៈរបស់គេ សម្រាប់ការប្រកួតពាន FA Cup នៅលើទឹកដីក្រុម Everton។ កិច្ចសន្យាជាមួយនឹងក្លិប Real របស់កីឡាករវ័យ៣១ឆ្នាំរូបនេះ នឹងផុតកំណត់នៅចុងរដូវកាលឆ្នាំ២០២១-២០២២ ហើយរូបគេបានប្រកាសថា រូបគេនឹងវិលទៅកាន់ប្រទេសអេស្ប៉ាញវិញ ក្រោយពីព្រឹត្តិការណ៍ Euro នៅរដូវក្តៅនេះ។ Bale បានប្រាប់សន្និសីទសារព័ត៌មានថា៖ «ខ្ញុំមិនបែកអារម្មណ៍ឡើយ។
ខ្ញុំគិតថា ហេតុផលចម្បងដែលខ្ញុំបានមកចូលរួមជាមួយ Spurs នៅឆ្នាំនេះ គឺការលេងកីឡាបាល់ទាត់។ សម្រាប់ការប្រកួតក្នុង Euro ខ្ញុំចង់ត្រៀមឲ្យរួចរាល់សម្រាប់ការប្រកួត។ គម្រោងគឺការលេងមួយនៅរដូវកាលនៅ Spurs ហើយក្រោយពី Euro ខ្ញុំនៅជាប់កិច្ចសន្យា១ឆ្នាំទៀតនៅ Real Madrid»៕
ប្រភពព័ត៌មាន៖ Channel News Asia
