បរទេស៖ កីឡាករ Ibrahima Konate មិនសប្បាយចិត្តចំពោះស្ថានភាពលេងនៅក្លឹបបច្ចុប្បន្នស្របពេលដែលមានការលើកឡើងថាហង្សក្រហម Liverpool ត្រៀមចរចានាំយកខ្សែការពារកណ្តាលរូបនេះមកទឹកដី Anfield នៅពេលទីផ្សារ ដោះដូរកីឡាករនិងបើកនៅរដូវក្តៅនេះ។
បើទោះបីជានាយកប្រតិបត្តិផ្នែកកីឡាប្រចាំក្លឹបលោក Markus Krosche ថ្មីៗនេះបានបដិសេធចោលការលើកឡើងនេះ។ ហើយកន្លងមកក៏មានក្លឹប២ផ្សេងទៀតនៅអង់គ្លេស ដូចជា Man United និង Arsenal បានទទួលការចាប់អារម្មណ៍ផ្ទេរយក Konate មករួមក្រុមផងដែរ។
យោងគេហទំព័រ Sky Deutschland បានចុះផ្សាយថាកីឡាករអន្តរជាតិបារាំង Konate មិនពេញចិត្តនឹងទម្រង់លេងដែលគ្រូបង្វឹកវ័យក្មេង Julian Nagelsmann បានតម្រូវអោយរូបគេអង្គុយកៅអីបម្រុង។ទោះយ៉ាងណាកីឡាករវ័យ២១ឆ្នាំរូបនេះទើបតែ អវត្តមានពេញមួយខែមករាដោយសារបញ្ហារបួសកជើងប៉ុន្តែរូប គេបានបង្ហាញខ្លួនចូលលេង ៧ លើកចុងក្រោយនៅលីកកំពូលអាឡឺម៉ង់និងចូលលេងបាន ជម្រើសដំបូងបានតែបីលើកប៉ុណ្ណោះក្នុងអំឡុងពេលនោះ។ មួយវិញទៀត Konate មិនបានលេង ៩០ នាទីពេញសម្រាប់ RB Leipzig នៅក្នុងលីកចាប់តាំងពីដើមខែធ្នូឆ្នាំមុនមកម្លេះ៕
ប្រភពព័ត៍មាន៖ Sportsmole
