បរទេស៖ អតីតខ្សែការពារកណ្តាលក្លឹប Juventus និងក្រុមជម្រើសជាតិអ៊ីតាលីលោក Fabio Cannavaro បានជំរុញនិងលើកទឹកចិត្តដល់អតីតក្លឹបរបស់ខ្លួនអោយបន្តផ្តល់ទំនុកចិត្តដល់គ្រូបង្វឹកលោក Andrea Pirlo បើទោះបីជាមិនទាន់ទទួលបានលទ្ធផលល្អក្នុងអាជីពជាអ្នកចាត់ការទូទៅរដូវកាលដំបូងជាមួយក្លឹបមានមូលដ្ឋាននៅទីក្រុង Turin ក៏ដោយ។
បច្ចុប្បន្នក្រុមការពារតំណែងជើងឯក Serie A កំពុងឈរនៅលំដាប់ទីបួនក្នុងតារាង Serie A និងកំពុងស្ថិតក្នុងស្ថានភាពស្រពេចស្រពិលថានិងអាច រក្សាតំណែងជើងឯកលីកកំពូលអ៊ីតាលីជាលើកទី៩ បានរឺយ៉ាងណានោះទេ? ។
អ្នកចាត់ការទូទៅសញ្ជាតិអ៊ីតាលីលោក Andrea Pirlo ធ្លាប់បានបង្ហាញខ្លួនចូលលេងក្នុងនាមជាកីឡាករចំនួន ១៦៤ លើកសម្រាប់ Juventus នាពេលកន្លងមក។ រូបលោកបានចូលកាន់តួនាទីជំនួសលោក Maurizio Sarri កាលពីដើមរដូវកាលនេះយ៉ាងណាមិញក្រុម Juventus មិនអាចឆ្លងផុតវគ្គ ១៦ក្រុម Champions League បាននោះទេបន្ទាប់ពីរងបរាជ័យក្រោមថ្វើជើងក្រុម Porto មកពីព័រទុយហ្គាល់៕
ប្រភពព័ត៍មាន៖ Sportsmole