បរទេស៖ បិសាចក្រហម Manchester United កំពុងព្យាយាមសម្លឹងរកឪកាសចុះហត្ថលេខានាំយក Cristiano Ronaldo មកកាន់ទឹកដី Old Trafford ជាថ្មីម្តងទៀតនារដូវក្តៅនេះ។ ប៉ុន្តែចំនុចសំខាន់បំផុតដែល ក្រុមម្ចាស់ជើងឯកអង់គ្លេស២០សម័យត្រូវបន្តធ្វើនោះគឺការទទួលបានសិទ្ធិគ្រប់គ្រាន់លេងនៅព្រឹត្តការណ៏ Champions League រដូវកាលក្រោយជាចាំបាច់។ ក្រុមលោក Ole Gunnar Solskjaer ទើបតែផ្តួលម្ចាស់ផ្ទះ Tottenham កាលពីថ្ងៃអាទិត្យសប្តាហ៍មុនដើម្បីរក្សាចំណាត់ថ្នាក់នៅក្នុងក្រុមកំពូលទាំង៤ និងមានគម្លាតពីក្រុមលេខ៥ Chelsea ចំនួន ៩ ពិន្ទុខណៈនៅសល់ ៧ ប្រកួតទៀតនិងបញ្ចប់រដូវកាល។
យោងគេហទំព័រអ៊ីតាលី Calciomercato បានចុះផ្សាយថា: Man Utd និងប្រើប្រាក់ហិរញ្ញវត្តុបន្ថែមក្រោយទទួលបានពីលទ្ធផលTop៤ ដើម្បីបញ្ចុះបញ្ចូលវីរបុរសរបស់ខ្លួនបច្ចុប្បន្នមានវ័យ៣៦ឆ្នាំរូបនេះ ឱ្យវិលត្រឡប់មកកាន់ទឹកដី Old Trafford ជាថ្មីវិញ ក្រោយចាកចេញទៅReal Madridក្នុងតម្លៃកំនត់ត្រាពិភពលោកកាលពី ១១ ឆ្នាំមុន។បើទោះបីស៊ុតបញ្ចូលទីបាន ២៥ គ្រាប់នៅក្របខណ្ឌ Serie A ក្រោយបង្ហាញខ្លួន ២៧ ប្រកួត ប៉ុន្តែក្តីសង្ឃឹម ក្នុងការជួយអោយ Juventus ឈ្នះជើងឯកលីគកំពូលអ៊ីតាលីលើកទី ១០ កាន់តែឃ្លាតឆ្ងាយ ក៏ព្រោះតែ Inter Milan កំពុងនាំមុខ១២ ពិន្ទុខណៈការប្រកួតនៅតែ ៨ ដងទៀតប៉ុណ្ណោះនិងបិទបញ្ចប់រដូវកាល។មួយវិញទៀតក្រោយចាកចេញពីក្រុមអធិរាជសនៅ ឆ្នាំ២០១៨ ប្រធានក្រុមជម្រើសជាតិព័រទុយហ្គាល់ខកបំណងមិនអាចជួយJuventusជោគជ័យនៅក្របខណ្ឌChampion League បាន៣ឆ្នាំចុងក្រោយជាប់ៗគ្នា។
មិនត្រឹមករណី Ronaldo នោះទេកិច្ចព្រមព្រៀងដ៏សក្តានុពលក៏អាចរួមបញ្ចូលខ្សែបម្រើ Paul Pogba អាចជាផ្នែកមួយនៃការដោះដូរជាមួយ Juventus ។ក៏ព្រោះតែភ្នាក់ងារផ្ទាល់របស់កីឡាករគឺលោក Mino Raiola បានព្រលយពាក្យថាកូនក្រុមរបស់ខ្លួនមិនសប្បាយចិត្ត ហើយចង់ចាកចេញពីក្លឹប នៅចុងបញ្ចប់នៃរដូវកាលនេះ៕
ប្រភពព័ត៍មាន៖ Sportsmole
