បរទេស៖ លោក Pep Guardiola គ្រូបង្វឹករបស់ក្រុម Pep Guardiola បានប្រាប់កីឡាកររបស់លោកឲ្យជឿជាក់លើសមត្ថភាពរបស់ខ្លួនក្នុងការបំពេញកាតព្វកិច្ចរបស់ខ្លួនពេលប្រកួតជាមួយនឹងក្រុម Paris Saint-Germain ដើម្បីឈានទៅប្រកួតក្របខ័ណ្ឌ Champions League វគ្គផ្តាច់ព្រ័ត្រជាលើកទី១របស់ខ្លួន។
ក្រុមរបស់លោក Guardiola បានវាយបកដេញតាមពីក្រោយដើម្បីផ្តួលក្រុមម្ចាស់ជើងឯករបស់បារាំង ក្នុងលទ្ធផល ២-១ នៅកីឡដ្ឋាន Parc des Princes កាលពីថ្ងៃពុធ ដើម្បីដណ្តើមយកការនាំមុខដ៏សំខាន់ មុននឹងធ្វើដំណើរទៅប្រកួតនៅកីឡដ្ឋាន Etihad នាថ្ងៃទី៤ ខែឧសភា។ Man City បានឈានទៅប្រកួតវគ្គ៤ក្រុមចុងក្រោយនេះជាលើកដំបូង ក្នុងរយៈពេល៥ឆ្នាំ ក្រោមការដឹកនាំរបស់លោក Guardiola តាមរយៈការវាយបកពីការរបូតគ្រាប់បាល់នៅដើមតង់ ក្នុងការប្រកួតវគ្គ៨ក្រុមចុងក្រោយរបស់ពួកគេ ជើងទី២ ជាមួយនឹងក្រុម Borussia Dortmund ដើម្បីទទួលជ័យជម្នះ ២-១ នៅអាល្លឺម៉ង់។
ក្រុមកំពុងនាំមុខលើតារាង Premier League បានធ្វើការវាយបកដូចគ្នានេះ ក្រោយពី Marquinhos បានជួយឲ្យ PSG រកបានគ្រាប់បាល់នាំមុខមុន មុននឹងវាយបកវិញតាមរយៈគ្រាប់បាល់របស់ Kevin De Bruyne និង Riyad Mahrez។ លោក Guardiola បានឲ្យដឹងថា៖ «នៅ Dortmund យើងបានរបូតគ្រាប់បាល់១គ្រាប់ និងបានវាយបកវិញ ហើយថ្ងៃនេះក៏ចឹងដែរ។ អ្វីដែលខ្ញុំចង់បានគឺការជឿជាក់លើខ្លួនឯងក្នុងការប្រកួតជើងទី២»៕
ប្រភពព័ត៌មាន៖ Channel News Asia
