បរទេស៖ Luke Shaw យល់ឃើញថាក្រុមបិសាចក្រហមMan.Utd ចាំបាច់ត្រូវតែធ្វើការនាំយកកីឡាករលំដាប់ពិភពលោកបន្ថែមទៀតមករួមក្រុមនៅរដូវក្តៅនេះដើម្បីប្រជែងយកតំណែងជើងឯក Premier League នៅរដូវកាលក្រោយ។ខ្សែប្រយុទ្ធឆ្នើម Harry Kane របស់ Tottenham ព្រមទាំង Erling Haaland និង Jadon Sancho របស់ក្រុម Dortmund គឺជាកីឡាករ៣រូបដែលបានផ្សារភ្ជាប់ក្នុងការផ្លាស់មកចូលរួមជាមួយក្រុមម្ចាស់ជើងឯកអង់គ្លេស២០សម័យនាពេលកន្លង មក។
Shawខ្សែការពារស្លាបឆ្វេងក្រុមMan.Utd បានប្រាប់គេហទំព័រ Manchester United Evening News ថាៈ «ទោះបីជាក្រុមប្រមូលផ្តុំទៅដោយកីឡាករវ័យក្មេងដែលមានទេពកោសល្យនិងបទពិសោធន៏ ។ យើងចាំបាច់ត្រូវបន្ថែមសមាជិកថ្មី ដើម្បី ពង្រឹងក្រុម ហើយនិយាយដោយស្មោះត្រង់យើងចាំបាច់ត្រូវត្រូវរៀនសូត្របន្ថែមទៀត។
ពិសេសនៅរដូវកាលនេះយើងពិនិត្យមើលចំណុចដែលយើងបាត់បង់ កន្លែងខ្វះខាតនិងចំនុច យើងដើរខុស តើរឿងហេតុនោះកើតឡើងយ៉ាងដូចម៉េច?»។ ក្រុមលោក Solskjaer កំពុងត្រៀមចូលរួមការប្រកួតវគ្គផ្តាច់ព្រ័ត្រ Europa League ទល់នឹង Villarreal នៅរាត្រីថ្ងៃពុធនេះ ដោយសម្លឹងឃើញឪកាសឈ្នះពានលំដាប់កំពូលទី២អឺរ៉ុបជាលើកទី២ បន្ទាប់ពីពួកគេ បានឈ្នះលើកដំបូងកាលពីឆ្នាំ ២០១៧៕
ប្រភពព័ត៍មាន៖ Sportsmole
