បរទេស៖ ខ្សែប្រយុទ្ធ Phil Foden បានថ្លែងអំណរគុណដល់អ្នកចាត់ការទូទៅនៃក្រុមជម្រើសជាតិអង់គ្លេសលោក Gareth Southgate ចំពោះការផ្តល់ឱកាសដល់រូបគេជាលើកទី២ បន្ទាប់ពីរូបគេត្រូវបានបណ្តេញឲ្យវិលត្រឡប់ទៅផ្ទះវិញ ក្នុងពេលកំពុងបំពេញការតព្វកិច្ចអន្តរជាតិ កាលពីខែកញ្ញា។
តារាឆ្នើមរបស់ក្លិប Manchester City រូបនេះ បានបង្ហាញខ្លួនឲ្យក្រុមជម្រើសជាតិអង់គ្លេសជាលើកដំបូងរបស់គេពេលប្រកួតជាមួយនឹងក្រុមជម្រើសជាតិអ៊ីស្លង់ ដែលនៅពេលនោះ មានព័ត៌មានលេចឡើងមកថា រូបគេ និងខ្សែប្រយុទ្ធ Mason Greenwood របស់ក្លិប Manchester United បានល្មើសនឹងបម្រាមកូវីដ ១៩ តាមរយៈការអញ្ជើញមិត្តស្រីរបស់ខ្លួន ឲ្យទៅលេងនៅសណ្ឋាគាររបស់ក្រុមនៅទីក្រុង Reykjavík។ Foden ត្រូវបានជម្រុះចេញពីក្រុមម្តងទៀត នៅមុនពេលលោក Southgate បានស្វាគមន៍រូបគេឲ្យវិលទៅកាន់ក្រុមវិញនាខែវិច្ឆិកា ដែលនៅពេលនោះ រូបគេបានរកគ្រាប់បាល់បញ្ចូលទីអន្តរជាតិជាលើកដំបូងរបស់គេ ក្នុងពេលប្រកួតជាមួយនឹងក្រុមជ្រើសជាតិអ៊ីស្លង់។
Foden បាននិយាយកាលពីថ្ងៃអង្គារថា៖ «ខ្ញុំបានប្រព្រឹត្តកំហុសដ៏ធំមួយ។ ខ្ញុំចរិតក្មេង។ លោក Gareth បានប្រាប់ខ្ញុំថា ប្រសិនបើខ្ញុំនៅតែធ្វើបានល្អ នៅតែបង្ហាញពីទម្រង់លេងបានល្អ ខ្ញុំគួរតែមានឱកាសមួយផ្សេងទៀត»។ តារាឆ្នើមវ័យក្មេងរូបនេះ បានបន្ថែមទៀតថា៖ «ហេតុនេះ ខ្ញុំត្រូវតែខិតខំព្យាយាមដើម្បីវិលត្រឡប់ទៅវិញ។ មិនមានអ្នកចាត់ការទូទៅច្រើនឡើយដែលនឹងផ្តល់ឱកាសមួយផ្សេងទៀតនោះ។ ហេតុនេះ ខ្ញុំត្រូវតែថ្លែងអំណរគុណដល់លោក Gareth ចំពោះការផ្តល់ឱកាសមួយទៀតដល់ខ្ញុំ»៕
ប្រភពព័ត៌មាន៖ Channel News Asia
