បរទេស៖ លោក Julen Lopetegui គ្រូបង្វឹករបស់ក្រុម Sevilla បានក្លាយជាបេក្ខភាពចុងក្រោយគេដែលបានបដិសេធឱកាសក្នុងការផ្លាស់មកដឹកនាំក្រុមមាន់ខ្នាយមាស Tottenham នៅមុនរដូវកាលថ្មី២០២១-២០២២។
គួរបញ្ជាក់ផងដែលថាក្រុមដែលមានមូលដ្ឋាននៅទីក្រុងឡុងដ៏បានសម្រេចចែកផ្លូវជាមួយនឹងលោក Jose Mourinho នៅពាក់កណ្តាលខែមេសា ប៉ុន្តែពួកគេបានបរាជ័យជាបន្តបន្ទាប់ក្នុងការស្វែងរកអ្នកចាត់ការទូទៅថ្មី។
អតីតគ្រូបង្វឹកលោក Mauricio Pochettino បច្ចុប្បន្នកំពុងដឹកនាំ PSG មានទំនាក់ទំនងត្រូវបានផ្សារភ្ជាប់យ៉ាងខ្លាំងជាមួយនឹងការវិលត្រឡប់ទៅកាន់ Tottenham សារជាថ្មី ខណៈបានបរាជ័យក្នុងការចចារជាមួយគ្រូបង្វឹក៣នាក់រួចទៅហើយ មានដូចជាលោក Antonio Conte, Paulo Fonseca និង Gennaro Gattuso ជុំវិញតួនាទីនេះ។ យ៉ាងណាមិញអតីតគ្រូបង្វឹកក្រុមជម្រើសជាតិអេស្បាញ និង អធិរាជស Real Madrid លោក Lopetegui គឺជាគ្រូបង្វឹកចុងក្រោយគេដែលបានបដិសេធសំណើរពីសំណាក់ក្លឹបខាងលើនេះ?
ប្រភពព័ត៍មាន៖ Metro