បរទេស៖ Arsenal បានបញ្ចប់ការចុះហត្ថលេខានាំយកខ្សែការពារអង់គ្លេស Ben White ពីក្លឹបសត្វរំពេរ Brighton ក្នុងតម្លៃខ្លួន ៥០ លានផោន។ កីឡាករវ័យ ២៣ ឆ្នាំរូបនេះត្រូវបានកោះហៅអោយបង្ហាញខ្លួនសម្រាប់ក្រុមតោកំណាចអង់គ្លេសក្នុងព្រឹត្តិការណ៏ Euro ២០២០ របស់លោក Gareth Southgate បានយល់ព្រមចុះហត្ថលេខាលើកិច្ចសន្យារយៈពេលវែង នៅឯទឹកដីកីឡដ្ឋាន Emirates Stadium។
អ្នកចាត់ការលោក Mikel Arteta ត្រូវបានដកស្រង់សម្តីដោយគេហទំព័ររបស់ក្លឹបថាៈBen គឺជាគោលដៅកំពូល សម្រាប់ យើងហើយវាពិតជាអស្ចារ្យណាស់ដែលយើងបានបញ្ចប់ការចុះហត្ថលេខានាំយករូបគេមករួមក្រុម ។គាត់គឺជាខ្សែការពារ ដ៏ឆ្លាតវៃម្នាក់ដែលអាចគ្រប់គ្រងបាល់បានល្អរាល់ពេលបាល់នៅជាប់ជើងរបស់គាត់ហើយរបៀបលេងទៀតសោតគឺក្តសមនឹងយើង។
អតីតយុវជនថ្នាលក្លឹប Southampton ត្រូវបានក្លឹបBrighton ទិញយកមករួមក្រុមកាលពីឆ្នាំ ២០១៦ និងបាន ចំណាយ ពេលខ្ចីជើងនៅ Newport និង Peterborough មុនពេលចូលរួមជាមួយ Leeds Utd ក្នុងលក្ខខណ្ឌខ្ចីជើង ហើយបាន ជួយក្រុមលោកMarcelo Bielsa ឈ្នះជើងឯកលីកលំដាប់ទីពីរ(Championship)កាលពីរដូវកាល២០១៩-២០២០។Whiteបានក្លាយជាសមាជិកទី៣របស់ Arsenal នៅរដូវក្តៅបន្ទាប់ពីការមកដល់របស់ខ្សែបម្រើ Albert Sambi Lokonga មកពី Anderlecht និងខ្សែការពារឆ្វេង Nuno Tavares មកពី Benfica ។រូបគេនិងពាក់អាវលេខ ៤ សម្រាប់ក្លឹប ក្រោយការចាកចេញរបស់ខ្សែការពារ David Luiz៕
