បរទេស៖ ក្លិប Arsenal កំពុងតែប្រមាញ់ទិញខ្សែបម្រើ James Maddison ពីក្លិប Leicester ខណៈដែលការផ្ទេរនេះគឺជាផ្នែកមួយនៃការជួសជុលក្រុមរបស់លោក Mikel Arteta ឡើងវិញ។ អ្នកចាត់ការទូទៅរូបនេះ ជឿជចាក់ថា Maddison អាចជួយឲ្យក្រុមរបស់លោកមានកម្រិតខ្លាំងជាមុន។
ក្លិប Arsenal កំពុងតែសម្លឹងរកកីឡាករឆ្នើមៗបន្ថែមទៀត ខណៈដែល Martin Ødegaard បានវិលទៅកាន់ក្លិប Real Madrid ក្រោយពីការខ្ចីជើងរបស់គេ ហើយក្រុមកាំភ្លើងធំកំពុងតែព្យាយាមទាក់ទងទៅនឹងក្លិប Leicester ដើម្បីឲ្យដឹងថា ពួកគេបើកចំហរឲ្យមានការផ្ទេរកីឡាករដ៏ឆ្នើមម្នាក់របស់ពួកគេ ឬអត់។ Arsenal ដែលបានចំណាយប្រាក់អស់៧៣លានផោនហើយនៅរដូវក្តៅនេះ មិន អាចទិញយក Maddison បានឡើយ ប្រសិនបើពួកគេមិនបានទទួលកញ្ចប់ថិវិកាពីលក់ចេញកីឡាករមួយចំនួនទេនោះ។ កីឡាករម្នាក់ដែលនឹងមិនចាកចេញនោះគឺខ្សែបម្រើ Granit Xhaka ដែលបានយល់ព្រមលើកុងត្រាថ្មីរហូតដល់ឆ្នាំ២០២៥ ក្រោយពីការពិភាក្សាពីការផ្ទេរទៅកាន់ក្លិប Roma បានទទួលបរាជ័យ។
Leicester ដែលបានឈ្នះកៅអីទៅលេងក្នុងក្របខ័ណ្ឌ Europa League ក្រោយពីទទួលបានលេខ៥ មិនស្ថិតក្រោមសម្ពាធក្នុងការលក់កីឡាករចេញឡើយ ហើយគេយល់ឃើញថា ពួកគេអាចនឹងទាមទារតម្លៃខ្លួនយ៉ាងហោចណាស់៦០លានផោន សម្រាប់កីឡាករវ័យ២៤ឆ្នាំរូបនេះ ដែលនៅជាប់កិច្ចសន្យា៣ឆ្នាំទៀត៕
ប្រភពព័ត៌មាន៖ The Guardian