បរទេស៖ Celtic បានចុះហត្ថលេខាផ្ទេរយកអ្នកចាំទី Joe Hart ពីក្រុម Tottenham Hotspur និងខ្សែបម្រើ James McCarthy ពីក្លឹប Crystal Palace។ អតីតអ្នកចាំទីក្រុមជម្រើសជាតិអង់គ្លេស Hart វ័យ ៣៤ ឆ្នាំបានចុះហត្ថលេខាលើកិច្ចសន្យារយៈពេល ៣ ឆ្នាំខណៈកីឡាករអន្តរជាតិអៀរឡង់ McCarthy បានយល់ព្រមលើកិច្ចសន្យារយៈពេល ៤ ឆ្នាំជាមួយក្លឹប។
កីឡាករទាំងពីរអាចនិងត្រូវក្លឹបដាក់អោយចូលលេង សម្រាប់ការប្រកួតជម្រុះ Europa League នៅថ្ងៃព្រហស្បតិ៍ទល់នឹង FK Jablonec បន្ទាប់ពីCeltic បានធ្លាក់ចេញការប្រកួតជម្រុះក្របខ័ណ្ឌ Champions League ក្រោមថ្វីជើងក្រុមដាណឺម៉ាក Midtjylland ។ក្រុមក៏និងមិនអាចប្រកួត បើកឆាកពានរង្វាន់ Scottish Premiership របស់ពួកគេជាមួយ ក្លឹប Hearts នៅថ្ងៃសៅរ៍ចុងសប្តាហ៏នេះផងដែរ។
អ្នកចាត់ការទូទៅលោក Ange Postecoglou បាននិយាយថាៈ ខ្ញុំរីករាយដែលយើងបានចុះហត្ថលេខាលើកីឡាករលំដាប់កំពូលពីររូប ។ពួកគេទាំងពីរមានបទពិសោធន៍ច្រើនទាំងនៅក្លឹបនិងកម្រិតអន្តរជាតិហើយនោះគឺជាអ្វីដែលអាចផ្តល់ផលប្រយោជន៍ដល់ក្រុមហើយខ្ញុំកំពុងរង់ចាំធ្វើការជាមួយពួកគេទាំងពីរ។ Postecoglou បានអំពាវនាវម្តងហើយម្តងទៀតសម្រាប់ការពង្រឹងទម្រង់លេងរបស់ក្រុមក្រោយពីត្រៀមចាប់ផ្តើមរដូវកាលថ្មីដ៏លំបាករបស់គ្រូបង្វឹកសញ្ជាតិក្រិក-អូស្រ្តាលីរូបនេះ៕
ប្រភពព័ត៍មាន៖ BBC
