បរទេស៖ ក្រុមកាំភ្លើងធំ Arsenal ត្រូវបានគេរាយការណ៍ថាកំពុងធ្វើចរចាជាមួយនឹងក្រុម Sheffield United ដើម្បីចុះហត្ថលេខាលើអ្នកចាំទី Aaron Ramsdale។

ជាមួយនឹងអនាគតរបស់ Bernd Leno និង Alex Runarsson នៅក្លឹបនៅតែមិនទាន់មានភាពច្បាស់លាស់លោក Mikel Arteta ត្រូវបានគេគិតថាកំពុងសម្លឹងរកអ្នកចាំទីថ្មីម្នាក់ទៀត។ ក្រុមកាំភ្លើងធំត្រូវបានគេជឿជាក់ថាបានដាក់ការដេញថ្លៃតម្លៃ ៣២ លានផោនដល់ក្លឹប Sheffield United សម្រាប់អ្នកចាំទី Ramsdale។

ទោះយ៉ាងណាក៏ដោយបើយោងទៅតាម football.london បានអះអាងថាឥឡូវនេះក្លឹប Arsenal កំពុងឈានដល់ការចុះហត្ថលេខាលើ Ramsdale ហើយ ដោយការចរចារតម្លៃ៣២លានផោនគឺកាន់តែខិតជិនឈានដល់ការយល់ព្រមរវាងភាគីសងខាង។ របាយការណ៍បានបន្ថែមថាក្រុមកាំភ្លើងធំនឹងចំណាយប្រាក់ ២៤ លានផោនជាមុនសិន ដោយទឹកប្រាក់ដែលនៅសេះសល់គឺស្ថិតក្នុងលក្ខខណ្ឌ Add-on៕

ប្រភពព័ត៍មាន៖ Sportsmole