បរទេស៖ Lionel Messi បានបំបែកឯតទគ្គកម្មរបស់អធិរាជ Pele សម្រាប់កីឡាករបាល់ទាត់ផ្នែកបុរសមកពីទ្វីបអាមេរិកខាងត្បូងដែលរកបានគ្រាប់បាល់ច្រើនបំផុតអោយក្រុមជម្រើសជាតិ។ ប្រធានក្រុមពពកសអាហ្សង់ទីនវ័យ៣៤ឆ្នាំរូបនេះបង្ហាញទម្រង់លេងបានយ៉ាងល្អដោយរកបានដល់ទៅ៣គ្រាប់(Hat-Trick) ក្នុងជ័យជម្នះ ៣ទល់និង០ ពេលផ្តួលក្រុមបូលីវីសម្រាប់ការប្រកួតជម្រុះWorld Cup ២០២២នៅថ្ងៃព្រហ្បត្ត៏ម្សិលមិញ។
Messi បានចូលលេងដោយមានកំនត់ត្រារកបាន៧៦គ្រាប់រួចទៅហើយខណៈ Pele មាន ៧៧គ្រាប់។ ប៉ុន្តែការរកគ្រាប់បាល់បាននៅនាទីទី១៤,៦៤ និង ៨៨ ធ្វើអោយរូបគេកើនកំនត់ត្រាវ៉ាដាច់លោកPeleដែលធ្លាប់ជួយប្រេស៊ីលឈ្នះWorld Cup៣ដង ចំនួន២គ្រាប់បាល់ ពោលគឺរកបានសរុ៧៩គ្រាប់។
គួរបញ្ជាក់ថាកីឡាករអន្តរជាតិអាហ្សង់ទីនដែលមានភារកិច្ចមកជួយក្រុមមានដូចជា Emiliano Martinez និងEmiliano Buendiaរបស់Aston Villa និង Cristian Romero ព្រមទាំង Giovani Lo Celso និងត្រូវអវត្តមានមិនអាច បង្ហាញខ្លួនអោយក្រុមរបស់ពួកគេសម្រាប់ការប្រកួតPremier Leagueនៅចុងសប្តាហ៏នេះទេដោយសារល្មើសនិងបម្រាមរបស់ក្លឹប។ រីឯក្រុមMan. City និងត្រូវអវត្តនិមាន អ្នកចាំទីEderson ងខ្សែប្រយុទ្ធ Gabriel Jesus ខណៈLiverpool ក៏ត្រូវអវត្តមាន Alisson និង Fabinho ផងដែរ៕
ប្រភពព័ត៍មាន៖ 90min
