បរទេស៖ ខ្សែការពារ Lucas Hernandez របស់ក្លិប Bayern Munich មានពេលវេលារហូតដល់ថ្ងៃទី២៨ ខែតុលា ដើម្បីដើរចូលគុក «ដោយស្ម័គ្រចិត្ត» ក្រោយពីរូបគេបានបង្ហាញពីខ្លួនពីមុខតុលាការទីក្រុងម៉ាឌ្រីដ កាលពីថ្ងៃចន្ទ ពីបទប្រព្រឹត្តល្មើសនឹងសេចក្តីសម្រេចទប់ស្កាត់ ក្នុងឆ្នាំ២០១៧។
ខ្សែការពារស្លាបឆ្វេងអន្តរជាតិបារាំងរូបនេះ នៅសល់រយៈពេល១០ថ្ងៃចាប់ពីថ្ងៃចន្ទ ដើម្បីដើរចូលគុកដោយខ្លួនឯង ប្រសិនបើការប្តឹងឧទ្ធរណ៍របស់គេមិនត្រូវបានទទួលយកទេនោះ។ កីឡាករវ័យ២៥ឆ្នាំរូបនេះ ត្រូវបានឃាត់ខ្លួនកាលពី៤ឆ្នាំមុន ពីបទប្រព្រឹត្តល្មើសនឹងសេចក្តីសម្រេចតុលាការ ដែលហាមឃាត់មិនឲ្យរូបគេទាក់ទងនឹងដៃគូរបស់គេ ក្រោយពីការបង្ករជម្លោះបែបហិង្សារវាងអ្នកទាំង២។ រូបគេត្រូវបានដើម្បីផ្តល់ដំណឹងពីសេចក្តីសម្រេចដាក់ពន្ធនាគាររបស់គេ និងបង្ហាញខ្លួនដោយស្ម័គ្រចិត្ត នៅត្រឹមម៉ោង១១:៣០ព្រឹក ថ្ងៃនេះ ពោលគឺរយៈពេល១ថ្ងៃ នៅមុនពេលការកោះហៅរបស់គេ។ នេះបើយោងទៅតាមការបញ្ជាក់របស់តុលាការទីក្រុងម៉ាឌ្រីដ។
សេចក្តីប្រកាសនេះបានបន្ថែមទៀតថា៖ «រយៈពេល១០ថ្ងៃ ដើម្បីដើរចូលគុកដោយស្ម័គ្រចិត្ត» នឹងចាប់ផ្តើមរាប់ពីថ្ងៃចន្ទ ហើយនិងផុតកំណត់នៅថ្ងៃទី២៨ ខែតុលា»។ Hernandez ដែលជាសមាជិកឈ្នះពាន World Cup ជាមួយនឹងបារាំង ក្នុងឆ្នាំ២០១៨ និងដៃគូរបស់គេនាង Amelia Lorente សុទ្ធសឹងត្រូវបានកាត់ទោសពីបទប្រើប្រាស់អំពើហិង្សា កាលពីខែកុម្ភៈ ឆ្នាំ២០១៧៕
ប្រភពព័ត៌មាន៖ Channel News Asia