បរទេស៖ Kylian Mbappe បានស៊ុតបញ្ចូលទីបួនគ្រាប់ជាលើកដំបូងសម្រាប់ក្រុមជម្រើសជាតិបារាំង ខណៈដែលម្ចាស់ជើងឯកពិភពលោក២០១៨បានកក់កៅអីការពារតំណែងជើងឯកដោយស្វ័យប្រវត្តិរបស់ពួកគេ ក្នុងព្រឹត្តិការណ៍ World Cup២០២២ នៅប្រទេស កាតានាឆ្នាំក្រោយបន្ទាប់ពីលត់ក្រុមភ្ញៀវ កាហ្សាក់ស្ថានយ៉ាងចាស់ដៃក្នុងលទ្ធផល៨ទល់និង០កាលពីយប់ថ្ងៃសៅរ៏។
ការប្រកួតជម្រុះនេះខ្សែប្រយុទ្ធឆ្នើមក្រុមPSGមានឪកាសរកបានបួនគ្រាប់ក្នុងចំណោមគ្រាប់បាល់សរុប ៨ គ្រាប់ខណៈ ៣ គ្រាប់ដំបូងរបស់Mbappe រកបានត្រឹមតែ៣២នាទីប៉ុណ្ណោះមុនពេលរកបានគ្រាប់បាល់ទី៤ នៅនាទីទី៨៧ជិតបញ្ចប់ការប្រកួត ។ ក្នុងនោះខ្សែប្រយុទ្ធជើងចាស់ក្រុមអធិរាជសReal Madrid កីឡាករ Karim Benzema រកបានពីរគ្រាប់បន្ទាប់ពីសម្រាកហើយចាប់ផ្តើមតង់ទីពីរ រីឯខ្សែបម្រើJuventusកីឡាករ Adrien Rabiot ក៏រួមចំណែករកបានគ្រាប់បាល់ខណៈខ្សែប្រយុទ្ធAt.Madridកីឡាករ Antoine Griezmann បានសម្រេចគ្រាប់បាល់ប៉េណាល់ទីផងដែរ។
គ្រាប់បាល់ Hat-trick របស់ Mbappe គឺជាលើកដំបូងក្រោយពីកីឡាករបារាំង Dominique Rocheteau ធ្លាប់ធ្វើបានក្នុងឆ្នាំ១៩៨៥ ក្នុងការប្រកួតលក្ខណៈអន្តរជាតិ ។ជ័យជម្នះបានធានាអោយបារាំងនឹងឈរកំពូលតារាងពូល D ខណៈពួកគេមាន ១៥ ពិន្ទុដាច់ក្រុមលេខ ២ ហ្វាំងឡង់ ៤ ពិន្ទុ និងនៅសល់មួយប្រកួតទៀត ដើម្បីបញ្ចប់វគ្គជម្រុះ៕
ប្រភពព័ត៍មាន៖ BBC