បរទេស៖ Derby County ត្រូវរងពិន័យកាត់៩ពិន្ទុបន្ថែមទៀត ដែលធ្វើឱ្យក្រុមរហស្សនាមចៀមសនិងត្រូវធ្លាក់ចេញពីក្របខ័ណ្ឌលីកលំដាប់ទីពីរអង់គ្លេស Championship និងជាការបង្កើនហានិភ័យកាន់តែខ្ពស់ក្នុងការធ្លាក់ទៅលេងនៅលីកលំដាប់ទីបី League-១ នៅរដូវកាលក្រោយដោយជៀសមិនផុតនោះទេ។
ក្លឹបដែលមានមូលដ្ឋាននៅចក្រភពអង់គ្លេសភាគខាងកើតក៏ទទួលរងការពិន័យចំនួន ១២ ពិន្ទុផងដែរនៅដើមរដូវកាលចំពោះសកម្មភាពអវិជ្ជមាននៅរដូវកាលថ្មីនេះ ។ ទោះបីជាមានការរំពឹងទុកថាអ្វីៗនិងល្អប្រសើរឡើង នៅពេលដែលម្ចាស់ក្លឹបថ្មីនិងចូលមកដឹកនាំក្លឹបនាពេលខាងមុខក៏ដោយ ប៉ុន្តែកាលពីថ្ងៃអង្គារក្លឹប បានចេញសេចក្តីថ្លែងការណ៍មួយបញ្ជាក់ថាពួកគេបានទទួលយកការដាក់ទណ្ឌកម្មលើកទីពីរ សម្រាប់ការទទួលស្គាល់ការបំពានច្បាប់គណនេយ្យភាពរបស់សហព័ន្ធបាល់ទាត់អង់គ្លេស EFL ។
Derbyបច្ចុប្បន្នកំពុងឈរនៅបាតតារាងលេខរៀងទី២៤ និងមានគម្លាត៦ពិន្ទុពីកន្លែងសុវត្ថិភាពខណៈក្រុមដែលដឹកនាំដោយលោក Wayne Rooney ឥឡូវនេះ នៅសល់ ២៩ ប្រកួតនិងបញ្ចប់រដូវកាល៕
ប្រភពព័ត៍មាន៖ Sportsmole
