បរទេស៖ Real Madrid កំពុងតាមឃ្លាំមើលយ៉ាងជិតដិតទៅលើកីឡាករ Pedro Porr ដោយត្រៀមធ្វើការចរចារ ផ្ទេរយក ខ្សែការពារក្លឹប Man. City ក្នុងអំឡុងពេលទីផ្សារដោះដូរកីឡាករបើកដំណើរការនៅពេលបញ្ចប់រដូវកាលនេះ ។ កីឡាករវ័យ ២២ ឆ្នាំបានចូលរួមជាមួយ Man City ពីក្លឹប Girona ក្នុងឆ្នាំ ២០១៩ ប៉ុន្តែនៅមិនទាន់បង្ហាញខ្លួនសម្រាប់ឈុតធំជម្រើសដំបូងនិងបានចំណាយពេលលេងខ្ចីជើងជាមួយក្លឹបReal Valladolid និងចុងក្រោយគឺ Sporting Lisbon ។
Sporting មានជម្រើសក្នុងការចុះហត្ថលេខា Porro លើកិច្ចសន្យាជាអចិន្ត្រៃយ៍នៅឆ្នាំក្រោយសម្រាប់ កីឡាករជម្រើសជាតិអេស្ប៉ាញរូបនេះ។ទោះបីជាបែបនេះក្តីប្រភពពីគេហទំព័រ Mundo Deportivo បានលើកឡើងថាក្លឹបជើងឯកChampion League ១៣សម័យ Real Madrid មានបំណងចុះហត្ថលេខានាំយក ខ្សែការពារស្លាបស្តាំថ្មីរូបនេះ ដើម្បីមកប្រកួតប្រជែងជាមួយ Dani Carvajal សម្រាប់ជម្រើស១១នាក់ដំបូង ។
Porro បានស៊ុតបញ្ចូលទី ៦ គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទី ៤ ដងក្នុងការបង្ហាញខ្លួន ៥២ លើកសម្រាប់ក្រុម Sporting នៅគ្រប់ការប្រកួតទាំងអស់។ សម្រាប់រដូវកាលនេះPorro បង្ហាញខ្លួនបាន ១៥ ដង រួមទាំងការបង្ហាញខ្លួនចំនួន ៤ លើកក្នុងក្របខ័ណ្ឌ Champions League ដោយរកបាន២គ្រាប់និងAssist ២លើក ផងដែរ៕
ប្រភពព័ត៍មាន៖ Sportsmole
