បរទេស៖​ Man Utd កំពុង​តាម​ប្រមាញ់​ខ្សែ​ប្រយុទ្ធ​កណ្តាល​របស់ Fiorentina កីឡាករ Dusan Vlahovic នៅឆ្នាំ​២០២២​ខាងមុខនេះយោងគេហទំព័រDailymail បាន​ចុះផ្សាយ។កីឡាករមានវ័យត្រឹមតែ២១ ឆ្នាំរូបនេះ​បានស៊ុត​បញ្ចូល ទី១២ គ្រាប់ក្នុងការបង្ហាញខ្លួន ១៤ប្រកួត សម្រាប់ក្លឹបនៅSerieAរដូវកាលនេះ ខណៈ Newcastle United, Juventus, Arsenal, Tottenham Hotspur និង Man. City កំពុងបង្កើនចំណាប់អាម្មណ៏លើរូបគេ ។ Vlahovic បានស៊ុតបញ្ចូលទីបាន សរុបប៤១ដងក្នុងការបង្ហាញខ្លួន ៩៨លើកក្រោយផ្ទេរពី ក្លឹបPartizan ក្នុងខែ​កក្កដាឆ្នាំ ២០១៨ ។

Fiorentina ទំនងជាពិចារណារអោយVlahovicលេងខ្ចីជើងរឺលក់ផ្តាច់កុងត្រានៅពេលទីផ្សារដោះដូរកីឡាករ និង​បើក​ដំណើរការជាលើកទីពីរនៅខែមករា២០២២ដោយសារតែ ដោយសារកិច្ចសន្យារបស់ខ្សែប្រយុទ្ធ​សញ្ជាតិ​ស៊ែបី​នឹងផុតកំណត់នៅខែមិថុនា ឆ្នាំ ២០២៣ខាងមុខ ហើយរហូតមកដល់ពេលនេះគាត់បាន​បដិសេធបន្ត​កុងត្រា​ថ្មីជា​មួយ​ក្លឹប។Man.Utdចង់បានខ្សែប្រយុទ្ធជួរមុខមកពង្រឹងក្រុមឡើងវិញ ស្របពេល Edinson Cavani និង Anthony Martial ទំនងជានឹងចាកចេញពីក្លឹបនៅចុងបញ្ចប់នៃយុទ្ធនាការរដូវកាលនេះ។

ទន្ទឹមនឹងនេះដែរ Man United ត្រូវបានបណ្តាញសារពត៌មានជាច្រើនចុះផ្សាយថាបានយល់​ព្រមលើកិច្ចសន្យា​រយៈ​​ពេលប្រាំមួយខែជាមួយអតីតគ្រូបង្វឹក RB Leipzig លោក Ralf Rangnick ដើម្បីតែងតាំងរូបលោក​ក្លាយ​ជាអ្នកចាត់ការបណ្តោះអាសន្នថ្មី បន្ទាប់ពីក្លឹបចែកផ្លូវគ្នាជាមួយលោកOle Gunnar Solskjaer កាលពីថ្ងៃ​អាទិត្យ​សប្តាហ៏មុន៕

ប្រភពព័ត៍មាន៖ Sportsmole