បរទេស៖ អ្នកចាត់ការបណ្ដោះអាសន្នរបស់ក្លឹប Manchester United លោក Ralf Rangnick ត្រៀមចរចារចុះហត្ថលេខា នាំយក កីឡាករខ្សែបម្រើ Amadou Haidara របស់ក្រុម RB Leipzigមកកាន់ទឹកដីOld Trafford ។គ្រូបង្វឹកសញ្ជាតិអាឡឺម៉ង់Rangnickត្រូវបានតែងតាំងជាគ្រូបង្វឹកដឹកនាំក្លឹបជើងឯកអង់គ្លេស២០សម័យ សម្រាប់ពេលវេលាដែលនៅសល់នៃយុទ្ធនាការរដូវកាលនេះមុនពេលចូលកាន់តួនាទីជាអ្នកផ្តល់ប្រឹក្សាយបល់សម្រាប់ក្លឹបរយៈពេលពីរឆ្នាំ ។
ប្រភពពីគេហទំព័រ The Mirror បានចុះផ្សាយថាៈលោក Rangnick ចង់បានកីឡាករអន្តរជាតិម៉ាលី Haidara ដែលរូបលោកបានទិញពីក្លឹប Red Bull Salzburg ក្នុងឆ្នាំ២០១៨មកកាន់លិកកំពូលអាឡឺម៉ង់ជាមួយក្លឹបRB Leipzig។ប្រភពខាងលើបន្តថាៈHaidaraមានលក្ខណ្ឌទិញផ្តាច់កុងត្រាទឹកប្រាក់ប្រមាណ៣៣ លានផោននិងមានកុងត្រា៣ឆ្នាំកន្លះសម្រាប់ កីឡាករវ័យ ២៣ ឆ្នាំរូបនេះខណៈលោកRangnick អាចនិងនាំយករូបគេមករួមក្រុមនៅខែមករា ឬក្នុងអំឡុងពេលទីផ្សារដោះដូរកីឡាករនិងបើកនៅរដូវក្តៅឆ្នាំក្រោយ។
Haidara បានដើរតួនាទីដ៏សំខាន់ក្រោយបង្ហាញខ្លួន ១៦ ដងគ្រប់ក្របខណ្ឌប្រកួតទាំងអស់រកបានបីគ្រាប់ក្នុងចំណោមម ១០ គ្រាប់ និង បញ្ជូនបាល់ឱ្យមិត្តរួមក្រុមបញ្ចប់ទី៦ ដង ក្រោយបង្ហាញខ្លួនសរុប៩៩ដង។ ក្រៅពីMan.Utdនៅមានក្លឹប Newcastle Unitedក៏មានចំណាប់អារម្មណ៍ចង់ចុះហត្ថលេខាមកលេងនៅក្របខណ្ឌ Premier Leagueផងដែរ៕
ប្រភពព័ត៍មាន៖ Sportsmole
