បរទេស៖ ក្លឹប Benfica បានបញ្ជាក់កាលពីថ្ងៃចន្ទថា អតីតខ្សែការពារក្លឹបមេឃខៀវ Man City កីឡាករ Nicolas Otamendi បានរងគ្រោះដោយអំពើរប្លន់នៅផ្ទះរបស់ខ្លួនផ្ទាល់តែម្តងនៅទីក្រុង Lisbon ។
កីឡាករអន្តរជាតិ អាហ្សង់ទីនវ័យ ៣៣ ឆ្នាំរូបនេះបានផ្ទេរពីMan. City ទៅក្លឹបយក្សព័រទុយហ្គាល់ Benfica ក្នុងខែកញ្ញា ឆ្នាំ ២០២០ ហើយបានបង្ហាញខ្លួនក្នុងជំនួបជ័យជំនះ ៤ទល់និង១ នៅលើទឹកដី Famalicao កាលពីថ្ងៃអាទិត្យមុនពេលត្រលប់មកដល់ផ្ទះវិញ។ ប្រភពបានបញ្ជាក់ថាក្រុមចោរមិនស្គាល់អត្តសញ្ញាណ បានយកខ្សែក្រវ៉ាត់រឹតក ហើយបានប្លន់យកលុយ និង នាឡិកាពីក្រុមគ្រួសាររបស់Otamendiថែមទៀតផង។
សេចក្តីថ្លែងការណ៍របស់ Benfica បាននិយាយថា អត្តពលិក និងក្រុមគ្រួសាររបស់កំពុងតែស្ថិតក្នុងស្ថានភាពមានសុវត្តិភាព ទោះបីជាជួបប្រទះបញ្ហាសតិអារម្មណ៏រំជួលចិត្ត ខ្លាំងដែលបណ្តាលមកពី ពួកគេកំពុងជួបប្រទះហេតុការណ៏មិនធ្លាប់ជួបក៏ដោយ” ។ សេចក្តីថ្លែងការណ៍របស់ក្លឹបក៏បានអំពាវនាវអោយMendi និងក្រុមគ្រួសារ គោរពតាមប្រព័ន្ធផ្សព្វផ្សាយទាំងអស់ ដោយកំពុងរង់ចាំការស៊ើបអង្កេតដោយអាជ្ញាធរពាក់ព័ន្ធ៕
ប្រភពព័ត៍មាន៖ BBC
