បរទេស៖ Man. United បានបញ្ជាក់ថាបញ្ហាផ្លូវដង្ហើមគឺជាមូលហេតុសុខភាពរបស់ ខ្សែការពារ Victor Lindelof ជួបប្រទះកាលពីចុងសប្តាហ៍មុនពោលគឺគឺមិនពាក់ព័ន្ធនឹងការផ្ទុះឆ្លងរីករាលដាលនៃ មេរោគកូវីត-១៩ នៅក្នុងក្លឹបនោះទេ។
Lindelofកីឡាករអន្តរជាតិស៊ុយអ៊ែត ត្រូវបង្ខំចិត្តផ្លាស់ចេញសម្រាប់ការប្រកួតនៅ តង់ទីពីរនៃជ័យជម្នះ ១ទល់និង០ របស់ Man United លើក្រុម Norwich City កាលពីថ្ងៃសៅរ៍ និងត្រូវបានជំនួសមកវិញដោយមិត្តរួមក្រុម Eric Bailly បន្ទាប់ពីជួបប្រទះបញ្ហាពិបាកដកដង្ហើម។ ក្រុមជើងឯកអង់គ្លេស២០សម័យបានបញ្ជាក់ប្រាប់ជាផ្លូវការណ៏នៅដើមសប្តាហ៏នេះថាកីឡាករនិងបុគ្គលិកបានធ្វើតេស្ត៏វិជ្ជមានករណីមេរោគកូវីត-១៩មុនការប្រកួតក្របខណ្ឌ Premier League សប្តាហ៏ទី១៧ជាមួយ Brentford នៅថ្ងៃអង្គារតែត្រូវបានពន្យារពេល។
Man United ក៏ត្រូវបានបង្ខំចិត្តបិទការហ្វឹកហាត់សម្រាប់ក្រុមជម្រើស ដំបូងនៅឯទីលាន Carrington របស់ពួកគេផងដែរដើម្បីបង្ការទប់ស្កាត់ការរីករាលដាលនៃមេរោគរលាកផ្លូវដង្ហើមប្រភេទថ្មី ដែលបានយាយីសុខភាពប្រជាជននៅទូទាំងពិភពលោកអស់ជិត១ឆ្នាំមកហើយនេះ៕
