គ្រូបង្វឹកជើងចាស់លោក សួន ប៊ុនសូត្រ បានអះអាងថា ការឈ្នះប្រាក់លានលើកដំបូងរបស់កីឡាករ សួន ចាន់នី (សួន ប៊ុនធី) មិនមែនកើតឡើងដោយសារសំណាងនោះទេ ប៉ុន្តែវាកើតមានឡើងដោយការប្រឹងប្រែងហ្វឹកហាត់ និងតាំងចិត្តចូលសម្រុក ទើបអាចផ្តួលគូប្រកួតឱ្យសន្លប់បានទាំង២នាក់បែបនេះ។
សួនចន្នីដូចជាសំណាងចុងឆ្នាំចំណាយវ៉ៃ២ទឹកឈ្នះ (1) 
«ការឈ្នះ ដើម្បីក្លាយជាម្ចាស់ប្រាក់លាន លើកនេះ មិនអាចថា មកពីសំណាងទាំងអស់នោះទេ គឺជាការប្រឹងប្រែងហ្វឹកហាត់ និងការតាំងចិត្តចូលវាយសម្រុកតែម្តង ដ្បិតអីប្រសិនបើការប្រកួតអូសបន្លាយ ឬវាយតាមលក្ខណៈស្ទាបស្ទង់តាមបច្ចេកទេសវិញ គឺឱកាសឈ្នះរបស់ ចាននី មានតិចណាស់ ព្រោះអ្នកដែល ចាន់នី បានជួបសុទ្ធតែជាកីឡាករលំដាប់ល្អជង្គង់ និងទាត់ល្អ ហេតុនេះ បើកូនខ្ញុំនេះ វ៉ៃផ្តួលដៃគូ មិនបានលឿនទេ គឺពិតជាលំបាកយកឈ្នះណាស់»។
លោក សួន ប៊ុនសូត្រ បាននិយាយបែបនេះ គឺបន្ទាប់ពីកូនប្រុសរបស់លោក សួន ចាន់នី បានប្រើពេលសរុបមិនដល់២ទឹកស្រួសបួលផង ដើម្បីទាត់ឱ្យជើងខ្លាំង២នាក់ មានរបួស និងត្រូវបោះបង់ចូលការប្រកួត នៅក្នុងទឹកទី១ដូចគ្នា ដើម្បីឈ្នះបានប្រាក់រង្វាន់ចំនួន ៣,៤លានរៀល ពីការប្រកួតដណ្តើមប្រាក់លាន ជាលើកដំបូ នៅលើសង្វៀនថោន កាលពីថ្ងៃអាទិត្យ។
គួររំឭកថា សួន ចាន់នី ធ្លាប់បានចូលរួមការប្រកួតម៉ារ៉ាតុងដណ្តើមប្រាក់លាន នៅលើសង្វៀនថោននេះ ច្រើនលើកកន្លងមក ប៉ុន្តែរូបគេ បានត្រឹមលេខ២ និងធ្លាក់ត្រឹមវគ្គជម្រុះ៣ទឹក ហើយគេចាំបានថា សម្រាប់ការបង្ហាញខ្លួនចុងក្រោយ នៅលើសង្វៀននេះ សួន ចាន់នី បានចាញ់ក្រោមស្នាដៃ ឡុង បេនលឿន ទាំងគ្រាំគ្រា នៅវគ្គផ្តាច់ព្រ័ត្រ ហើយក៏មានរហួសប្រេះឆ្អឹងជំនីរ ត្រូវសម្រាកព្យាយាមជាច្រើនសប្តាហ៍ផងដែរ។
តែទោះបីជាយ៉ាងណា សម្រាប់ការជួបគ្នា ជាថ្មី ក្នុងវគ្គជម្រុះ៣ទឹក កាលពីថ្ងៃអាទិត្យនោះ សួន ចាន់នី បានទាត់ផ្ទួនៗត្រឹម២ជើងផ្ទួនៗ បណ្តាលឱ្យជើងខ្លាំង ឡុង បេនលឿន មានរបួសដៃធ្ងន់ និងបានសុំចុះចាញ់ ទាំងមិនទាន់ចប់ទឹកទី១ស្រួលបួលផង ហើយសម្រាប់ការឡើងទៅជួប ចាន់ ប៊ុនហឿន នៅវគ្គផ្តាច់ព្រ័ត្រ សួន ចាន់នី បានប្រើស្នៀតទាត់ដដែល ប្រមាណ២ទៅ៣ជើង ចូលគោលដៅល្អ នាំឱ្យ ចាន់ ប៊ុនហឿន ខូចដៃ បោះបង់ការប្រកួត ឬសន្លប់ នៅក្នុងទឹកទី១ដូចគ្នា។
ជាមួយការរកឃើញជ័យជម្នះដ៏សំខាន់នេះ កីឡាករមានរហ័សនាម «លោកមេទ័ព» សួន ចាន់នី បាននិយាយ ក្រោយការប្រកួតថា៖ «ខ្ញុំហាត់បានល្អ និងបានតាំងចិត្តយកឈ្នះ ហើយឥឡូវនេះ ខ្ញុំធ្វើបានសម្រេចហើយ ដោយប្រើស្នៀតទាត់ចូលគោលដៅបានល្អ ទាំង២ប្រកួតជាប់ៗគ្នា»។
ចំណែកកីឡាករ ចាន់ ប៊ុនហឿន វិញ ហាក់មិនទាន់អស់ចិត្ត ចំពោះការចាញ់យ៉ាងលឿនបែបនេះទេ ដោយគេបាននិយាយថា៖ «ខ្ញុំក៏មិននឹកស្មានដល់ថា ចាញ់សន្លប់យ៉ាងលឿនបែបនេះទេ។ ខ្ញុំបានឈឺកែងជើង តាំងពីវគ្គជម្រុះ ក្រោយពេលឈ្នះកីឡាករ ធា នុរាជ បន្ទាប់មកពេលប្រកួតវគ្គផ្តាច់ព្រ័ត្រ ខ្ញុំទាត់ចូលកែងដៃ សួន ចាន់នី នាំឱ្យជើងរបស់ខ្ញុំឈឺកាន់តែឈឺខ្លាំងមិនអាចទ្រាំទៀតបាន និងសុំចុះចាញ់នៅក្នុងទឹកទី១តែម្តង»៕
