បរទេស៖ ក្លឹប Wolves បានបញ្ចប់ការមិនស្គាល់ចាញ់សោះរបស់លោក Ralf Rangnick ក្នុងនាមជាអ្នកចាត់ការទូទៅបណ្តោះអាសន្នរបស់ Manchester United កាលពីថ្ងៃចន្ទ ខណៈដែលគ្រាប់បាល់ស៊ុតបញ្ចូលទីរបស់កីឡាករ Joao Moutinho បានជួយឲ្យក្រុមខ្លួនដណ្តើមបានជ័យជម្នះក្នុងលទ្ធផល ១-០ នាកីឡដ្ឋាន Old Trafford។
ការរងបរាជ័យលើទឹកដីខ្លួនឯងក្រោមស្នាដៃក្រុម Wolves ជាលើកដំបូងក្នុងរយៈពេល៤២ឆ្នាំ ធ្វើឲ្យ Man United រក្សាការឈរក្នុងចំណាត់ថ្នាក់លេខលើតារាងក្របខ័ណ្ឌ Premier League ដោយដេញតាមពីក្រោយក្រុមឈរលេខ៤ ចំនួន៤ពិន្ទុ។ ប៉ុន្តែ ការបង្ហាញពីទម្រង់លេងមិនបានល្អមួយផ្សេងទៀត គឺជាក្តីកង្វល់ពិតសម្រាប់លោក Rangnick ស្របពេលដែលក្រុមបិសាចក្រហមមួយនេះ ត្រូវបានគូប្រកួតរបស់ខ្លួនគ្រប់គ្រងស្ទើរតែទាំងស្រុង។
វិបត្តិបញ្ហារបួសកីឡាករនៅតំបន់ការពារកណ្តាល ខណៈដែលប្រធានក្រុម Harry Maguire, Victor Lindelof និង Eric Bailly សុទ្ធសឹងអវត្តមាន បានបង្ខំឲ្យលោក Rangnick ប្រើប្រាស់ Phil Jones ជាលើកដំបូងក្នុងក្របខ័ណ្ឌ Premier League ក្នុងរយៈពេល២ឆ្នាំ។ បន្ទាប់ពីបញ្ចប់ការប្រកួត ខ្សែការពារ Luke Shaw បានប្រាប់ទូរទស្សន៍ Sky Sports ថា៖ «អ្នកអាចមើលសម្លឹងមើលកីឡាករ ដែលយើងមាន យើងមានគុណភាពដ៏អស្ចារ្យ ប៉ុន្តែ ពេលខ្លះ គុណភាពនោះមិនគ្រប់គ្រាន់ឡើយ»៕
ប្រភពព័ត៌មាន៖ Channel News Asia
