បរទេស៖ Kylian Mbappe បានស៊ុតបាល់បញ្ចូលទីបីគ្រាប់ (Hat-trick) នៅតង់ទីពីរ ខណៈ Paris St-Germain បាន​យក​ឈ្នះ​ក្រុមម្ចាស់ផ្ទះ Vannes ដែលលេងនៅលីកលំដាប់ទី ៤បារាំងសម្រាប់ការប្រកួត French Cup វគ្គ ៣២​ក្រុម​ចុង​ក្រោយ។

កីឡាករអន្តរជាតិបារាំង Presnel Kimpembe បាន​តែត​បញ្ចូល​ទី​ក្រោយការទាត់បាល់​ចេញ​ពីជ្រុង​នៅតង់​ទី​មួយ​របស់កីឡា​ករ Nuno Mendes នៅនាទីទី២៨។ Mbappe មានឪកាសរកបានគ្រាប់បាល់បើកឆាកក្រោយការបញ្ជូនបាល់របស់ Kimpmebe នៅនាទីទី៥៩មុនពេលស៊ុតបាល់បញ្ចូលទីចំងាយជាង២០ម៉ែត្រលកក្រោយការបញ្ជូនរបស់ Xavi Simons នៅ​នាទីទី៧១ ។

សមាជិកជ័យលាភីWorld Cup ២០១៨ ក៏មានឪកាសបញ្ចប់ទីគ្រាប់បាល់ទី៣បានយ៉ាងងាយស្រួលក្រោយពី Junior Dina Ebimbe បញ្ចូនអោយកាត់ពីមុខអ្នកចាំទីVannes និងជាគ្រាប់បាល់ទី១៥០សម្រាប់ PSG ក្រោយបង្ហាញខ្លួន ១៩៦ប្រកួត។​PSG បានឈ្នះពាន French Cup ចំនួន ៦លើកក្នុងចំណោម៧ដងចុងក្រោយ និងបានឈាន​ដល់វគ្គ​ផ្តាច់ព្រ័ត្រ​ទាំងអស់​ចាប់តាំងពីឆ្នាំ២០១៥ ។ សម្រាប់ការប្រកួតនេះខ្សែប្រយុទ្ធឆ្នើម Lionel Messi គឺជាកីឡាករម្នាក់ក្នុងចំណោមមិត្ត​រួមក្រុម​ PSG បួននាក់ដែលខកខានបង្ហាញខ្លួនក្រោយធ្វើតេស្តវិជ្ជ Covid-១៩៕

ប្រភពព័ត៍មាន៖ BBC