បរទេស៖ Chelsea មានបំណងចង់ចុះហត្ថលេខាកីឡាករបួនរូបដោយគ្មានតម្លៃខ្លួន នៅពេលបញ្ចប់រដូវកាល២០២១-២០២២នេះ។ គួបញ្ជាក់ថា ក្រុមជើងឯក Champion Leagueមិនបានចូលប្រឡូកក្នុងទីផ្សារដោះដូរកីឡាករនៅខែមករាកន្លងទៅនោះទេ ខណៈ ក្លឹបមិនបានធ្វើកិច្ចព្រមព្រៀងធំណាមួយក្នុងអំឡុងពេល១ខែពេញមួយខែដើម្បីពង្រឹងក្រុម បើទោះបីជាត្រូវបានផ្សារភ្ជាប់ជាមួយនឹង កីឡាករមួយចំនួនដូចជា Lucas Digne ក៏ដោយ។
យោងគេហទំព័រ Marca បានចុះផ្សាយថា Chelsea មានបំណងចង់បាន កីឡាករ ៤រូបដែលក្នុងនោះមាន Ousmane Dembele ខ្សែបម្រើស្លាបរបស់ក្លឹប Barcelona ព្រមជាមួយ Niklas Sule ខ្សែការពារក្រុមBayern Munich ព្រមទាំង Matthias Ginter កំពុងលេងអោយក្រុម Moncheng Gladbach គឺជាជម្រើសពីរផ្សេងទៀត ខណៈ Alessio Romagnoli កំពុងលេងអោយក្លឹប AC. Milan គឺជាកីឡាករដែលត្រូវបានលោក Thomas Tuchel ធ្វើការសម្រាំងបញ្ជីឈ្មោះផងដែរ
កីឡាករទាំងនេះសុទ្ធតែមានសិទ្ធិអាចចរចារជាមួយក្រុម Chelsea ចន្លោះពេលនេះរហូតដល់ពេលបញ្ចប់រដូវកាល ដោយសារស្ថានភាពកិច្ចសន្យារបស់ពួកគេនិងអស់សុពលភាព(Free Transfer) មុនពេលទីផ្សារដោះដូរកីឡាករនិងបើកសាជាថ្មី៕
ប្រភពព័ត៍មាន៖ Sportsmole
