បរទេស៖ គ្រាប់បាល់ស៊ុតបញ្ចូលទី២គ្រាប់របស់ Diogo Jota បានជួយរក្សាក្តីសង្ឃឹមនៃការប្រជែងដណ្តើមពានក្របខ័ណ្ឌ Premier League របស់ក្រុម Liverpool តាមរយៈការដណ្តើមបានជ័យជម្នះក្នុងលទ្ធផល ២-០ លើក្រុម Leicester ស្របពេលដែលការដណ្តើមបានជ័យជម្នះ ១-០ របស់ Arsenal លើទឹកដីក្រុម Wolves បានជួយឲ្យក្រុមកាំភ្លើងធំមួយនេះ មានប្រៀបក្នុងការប្រជែងដណ្តើមចំណាត់ថ្នាក់លេខ៤។
Liverpool នៅតែដេញតាមពីក្រោយក្រុម Manchester City នៅលើកំពូលតារាង ចំនួន៩ពិន្ទុ ប៉ុន្តែ នៅសល់១ប្រកួតក្នុងដៃ និងបានបង្ហាញពីកម្រិតលេងយ៉ាងល្អ ដើម្បីដណ្តើមបានជ័យជម្នះជាលើកទី៥ជាប់ៗគ្នា។ ស្របពេលដែល Mohamed Salah បានស្ថិតជាកីឡាករបម្រុង ក្រោយពីរូបគេទើបតែបានបំពេញការតព្វកិច្ចក្នុងព្រឹត្តិការណ៍ Africa Cup of Nations ហើយ Sadio Mane នៅតែជប់អបអរជ័យជម្នះរបស់ពួកគេជាមួយនឹងក្រុមជម្រើសជាតិសេណេហ្គាល់ Jota បានបង្កើតឲ្យមានការចាប់អារម្មណ៍តាមរយៈការបន្តទម្រង់លេងយ៉ាងល្អរបស់គេនៅរដូវកាលនេះ។
តារាឆ្នើមអន្តរជាតិព័រទុយហ្គាល់រូបនេះ បានស៊ុតបាល់បញ្ចូលទី២គ្រាប់យ៉ាងល្អ ខណៈដែលរូបគេស៊ុតបាល់បំប៉ោងសំណាញ់ដើម្បីរកគ្រាប់បាល់បើកឆាកក្នុងតង់ទី១ នៅមុនពេលបន្ថែម១គ្រាប់ទៀត នៅរយៈពេល៣នាទីចុងក្រោយ ដើម្បីធ្វើឲ្យគ្រាប់បាល់សរុបរបស់គេកើនដល់១៧គ្រាប់៕
ប្រភពព័ត៌មាន៖ Channel News Asia