បរទេស៖ ចាប់តាំងពីមហាសេដ្ឋីសញ្ជាតិរុស្សីចូលមកកាន់កាប់កីឡាដ្ឋាន Stamford Bridge ក្នុងឆ្នាំ ២០០៣ លោក Roman Abramovich មិនខ្ជះខ្ជាយ ពេលវេលាក្នុងការបង្ហាញទៅកាន់ពិភពបាល់ទាត់ថារូបលោកតែងតែត្រៀមខ្លួនក្នុងការចំណាយទឹកប្រាក់ដ៏ធំសម្បើមនៅក្នុងទី ផ្សារផ្ទេរកីឡាករនិងនាំយកគ្រូបង្វឹកឆ្នើមៗមកដឹកនាំជានិច្ច។
ក្រោយពីមានបញ្ហាប្រឈមជាមួយចក្រភពអង់គ្លេស ក្រោយពីកងទ័ពប្រទេសរុស្សីបានចូលឈ្លានពានអ៊ុយក្រែនកាលពីថ្ងៃព្រហស្បត្ត៏សប្តាហ៏មុនរួចមក លោកAbramovich ត្រូវបានបណ្តាញសារពត៌មានចុះផ្សាយថាកំពុងតែដាក់លក់ក្លឹបជើងឯក Champion League ដែលមានមូលដ្ឋាននៅខាងលិចទីក្រុងឡុងដ៏អោយបានឆាប់ តាមដែលអាចធ្វើទៅបាន ។ ខាងក្រោមនេះគឺជាកីឡាករកំពូលទាំង ១០ របស់ Chelsea ដែលមានតម្លៃថ្លៃជាងគេនោះ Abramovichដែលមានតម្លៃខ្លួនសរុបមិនតិចជាង៦០០ លានផោននោះទេ។
១.Romelu Lukaku
ខ្សែប្រយុទ្ធអន្តរជាតិបែលហ្សិកបានវិលត្រលប់មកចូលរួមជាមួយក្រុមChelsea វិញជាលើកទីពីរនៅក្នុងខែសីហា ២០២១ ក្នុងតម្លៃខ្លួន ៩៧,៥លានផោនពីក្រុមInter Milan ក្រោមការដឹកនាំរបស់គ្រូបង្វឹកលោកThomas Tuchel ។ទោះយ៉ាងណា Lukaku កីឡាករវ័យ២៨ឆ្នាំរូបនេះបានពណ៌នារឿងមិនសប្បាយចិត្តរបស់គាត់អំពីជីវិតនៅ Chelsea កាលពីខែធ្នូ តាមរយៈបទសម្ភាសន៍ជាមួយប្រព័ន្ធផ្សព្វផ្សាយអ៊ីតាលី។
២.Kepa Arrizaballaga
Chelsea បានបំបែកកំនត់ត្រាពិភពលោកដោយបានទិញអ្នកចាំទីសញ្ជាតិអេស្ប៉ាញរូបនះពីក្រុមAt.Bilbao ក្នុងទឹកប្រាក់ ៧១,៦លានផោនកាលពីឆ្នាំ២០១៨ ក្នុងជំនាន់លោកMaurizio Sarri នៅដឹកនាំខណៈដែលពួកគេទទួលបានទឹកប្រាក់៣៥លានផោនពីការលក់ Thibaut Courtois ទៅ Real Madrid ជាជាងការបាត់បង់កីឡាករអន្តរជាតិបែលហ្សិកដោយគ្មានតម្លៃខ្លួន(Free Transfer)។ ទោះបីលេងជាអ្នកចាំទីដៃទី២ប៉ុន្តែKepa បានដើរតួយ៉ាងសំខាន់ក្នុងការឈ្នះពានរង្វាន់ Europa League, UEFA Super Cup និង Club World Cup មុនពេលបរាជ័យដោយការស៊ុតបាល់កាត់សេចក្តី១១ម៉ែត្រមិនចូលជាមួយ Liverpool ក្នុងការប្រកួតវគ្គផ្តាច់ព្រ័ត្រ EFL Cupកាលពីសប្តាហ៏មុន ។
៣.Kai Havertz
ខ្សែបម្រើអន្តរជាតិអាឡឺម៉ង់រូបនេះត្រូវបានអតីតគ្រូបង្វឹកFrank Lampardទិញយកមកពីក្រុមBayer Leverkusen ក្នុងតម្លៃ៧១លានផោន កាលពីឆ្នាំ២០ ។កីឡាករមានវ័យទើបតែ២២ឆ្នាំរូបនេះបានជួយអោយក្រុមChelsea លើកពានChampion League និង ពាន Club World Cup ជាមួយជំនឿចិត្តសម្រាប់គ្រូបង្វឹកលោកThomas Tuchel នៅតំបន់បម្រើ-ប្រយុទ្ធ។
៤.Alvaro Morata
Chelsea បានចំណាយទឹកប្រាក់ប្រមាណ៥៨ លានផោនដើម្បីចុះហត្ថលេខានាំយកខ្សែប្រយុទ្ធអន្តរជាតិអេស្បាញ Alvaro Morata ពី Real Madrid ក្នុងឆ្នាំ ២០១៧។ Morataបានត្រឹមតែចាប់ផ្តើមលេងក្នុងយុទ្ធនាការដំបូងសម្រាប់ក្លឹបប៉ុណ្ណោះដោយបង្ហាញខ្លួនចុងនៅ ការប្រកួតវគ្គផ្តាច់ព្រ័ត្រ FA Cup មុនពេលត្រូវChelsea អោយAt.Madrid ខ្ចីជើងនិងលក់ទៅជាអចិន្រ្តៃយ៏។
៥.Cristian Pulisic
ខ្សែបម្រើស្លាបអន្តរជាតិអាមេរិកបច្ចុប្បន្នមានវ័យ២៣ឆ្នាំរូបនេះ ត្រូវបានChelsea ទិញពីក្រុមDortmund ក្នុងតម្លៃ៥៨លានផោន។ ទោះ យ៉ាងណាបញ្ហារបួសសរសៃពួរបានញាំញីរូបគេមិនអោយបន្តអាជីពបានដោយងាយស្រួលនោះទេ។ យ៉ាងណាមិញ Pulisic នៅតែដើរតួនាទីដ៏សំខាន់សម្រាប់ក្រុមលោកThomas Tuchel នៅរដូវកាលនេះ។
៦.Jorginho
កីឡាករអន្តរជាតិអ៊ីតាលីដើមកំណើតប្រេស៊ីលរូបនេះត្រូវបានChelsea ផ្តួលគូប្រជែងងMan.Cityដើម្បីនាំយករូបគេពីក្លឹបNapoli ក្នុង ឆ្នាំ២០១៨ក្នុងតម្លៃ៥៧លានផោន។ Jorginho ក៏បានដើរតួនាទីដ៏សំខាន់ក្នុងការទាត់បាល់ពិន័យ១១ម៉ែត្រនៅរៀងរាល់ការប្រកួតសម្រាប់ ក្រុមផងដែរ។
៧.Fernando Torres
អតីតខ្សែប្រយុទ្ធក្រុមជម្រើសជាតិអេស្បាញ Torres ត្រូវបាន Chesea ចុះហត្ថលេខានាំយកពីLiverpool ក្នុងតម្លៃខ្លួន៥០លានផោន និងរកបានគ្រាប់ បាល់ ៤៥គ្រាប់នៅ Premier League ប៉ុន្តែអ្វីដែលជាចំនុចលេចធ្លោគឺបានជួយអោយក្រុមឈ្នះ Champions League និង Europa League នៅចន្លោះឆ្នាំ២០១២និង២០១៣តែម្តង។
៨.Timo Werner
កីឡាករវ័យ២៥ឆ្នាំដែលត្រូវChelea នាំយកពីRB Leipzig ក្នុងតម្លៃខ្លួន៤៧,៥លានផោនរូបនេះបានចាប់ផ្តើមរដូវកាលដំបូងមិនបានល្អនោះទេ ដោយមិនអាចបញ្ចប់ទីបានដោយជោគជ័យក្នុងនាមខ្សែប្រយុទ្ធ ជួរមុខម្នាក់ ។ ប៉ុន្តែ៨ ប្រកួតរបស់ Chelsea សម្រាប់ការប្រកួតក្របខ័ណ្ឌ Champions League កាលពីរដូវកាលមុនជាមួយនិងលទ្ធផលទំលាក់ក្រុម Madrid ផងដែរWerner ban រួមចំណែកយ៉ាងសំខាន់ដល់ Havertz រកឃើញជ័យជំនះនៅវគ្គផ្តាច់ព្រ័ត្រ។ ទោះបីជាពេលខ្លះមានការ រងសម្ពាធ ប៉ុន្តែអ្នកគាំទ្រភាគច្រើនចង់ឃើញ Werner បន្តនៅ Chelsea ច្រើនជាង Lukaku។
៩.Ben Chilwell
ខ្សែការពារស្លាបឆ្វេងរូបនេះត្រូវបានChelsea ទិញពី Leicester City កាលពីឆ្នាំ២០២០ជំនាន់លោកFrank Lampard ក្នុងតម្លៃ៤៥លានផោន។បច្ចុប្បន្នកីឡាករអន្តរជាតិអង់គ្លេសរូបនេះកំពុងតែបន្តសម្រាកព្យាបាលរបួសជង្គង់ដ៏ធ្ងន់ធ្ងរដែលរូបគេត្រូវអវត្តមានរហូតបញ្ចប់ រដូវកាល។
១០.Mateo Kovacic
អតីតកីឡាករ Real Madrid មានតម្លៃខ្លួន៤០លានផោន រូបនេះបានដើរតួនាទីដ៏សំខាន់សម្រាប់ក្រុមដោយបានលេងនៅតំបន់បម្រើកណ្តាលជាមួយJorginho និង Kante ជានិច្ចជាកាល។ កីឡាករអន្តរជាតិក្រូអាតរូបនេះក៏បានរួមចំណែកជួយអោយក្រុមជោគជ័យសម្រាប់ រយៈពេល២ឆ្នាំចុងក្រោយនេះផងដែរ៕
ប្រភពព័ត៍មាន៖ Sportsmole
