បរទេស៖ Man Utd និងមិនមានឪកាសណាមួយទាល់តែសោះក្នុងការឈ្នះពានក្របខណ្ឌ Premier League រយៈពេលយ៉ាងហោចណាស់ក៏មួយទសវត្សរ៍ខាងមុខទៀតនោះក៏ ព្រោះតែពួកគេបច្ចុប្បន្នលេងដោយខ្វះមហិច្ឆតា និងមិនមានរចនាសម្ព័ន្ធគ្រប់គ្រងដឹកនាំអោយច្បាស់លាស់នោះទេ។
វាជាសម្រង់មតិលើកឡើងរបស់អតីតខ្សែប្រយុទ្ធអង់គ្លេសបច្ចុប្បន្នកំពុងដឹកនាំក្រុមយុវជនវ័យក្រោម១៦ឆ្នាំរបស់ West Ham លោក Carlton Cole បានរៀបរាប់នៅលើបណ្តាញ YouTubeថាៈ ការបាត់បង់ការសហការគ្នាពីម្ចាស់ក្លឹបទៅកីឡាករខណៈពេលបច្ចុប្បន្នក្រុមមិនមានអ្នកដឹកនាំពិតប្រាកដណាមួយទាំងនៅលើរឺក្រៅទីលានប្រកួតនោះទេ។
អតីតខ្សែប្រយុទ្ធChelsea រូបនេះបន្ថែមថា៖ «នេះជាមូលហេតុដែល Man United នឹងមិនឈ្នះលីកក្នុងរយៈពេលដប់ឆ្នាំខាងមុខហើយក៏ព្រោះតែត្រកូល Glazers បានដកមហិច្ឆិតាមិនចង់ឈ្នះការប្រកួតហើយឥឡូវនេះខ្ញុំបានមើលឃើញថាពួកគេធ្វើការសំដៅរកតែប្រាក់ចំណេញកាន់តែខ្លាំងឡើងៗ ដោយមិនគិតពីភាពបរាជ័យរឺការឈ្នះពានសោះ។ មួយវិញទៀតខ្ញុំមានអារម្មណ៍តំបន់ប្រយុទ្ធរបស់ Man Utdមានកីឡាករវ័យ ៣៧ ឆ្នាំនៅដឹកនាំគឺនៅតែត្រូវការកសាងសមត្ថភាពឡើងវិញនៅពេលអនាគត»។
ហេតុផលមួយផ្សេងទៀត Cole គិតពីបេក្ខភាពគ្រូបង្វឹកថ្មីដែលនិងចូលមកជំនួសតំណែងគ្រូបង្វឹកបណ្តោះអាសន្ន Ralf Rangnick នៅ រដូវក្តៅនេះនឹងត្រូវការពេលវេលាដើម្បីផ្តល់ឱ្យក្លឹបនូវអត្តសញ្ញាណថ្មី ដោយឮត្រូវការពេលវេលាដើម្បីទទួលបានជោគជ័យ និងកសាង រចនា សម្ព័ន្ធថ្មី និង របៀបនៃការលេង។ មានបេក្ខភាពគ្រូបង្វឹកឆ្នើមៗដូចជា Mauricio Pochettino, Erik Ten Hag និង Antonio Conte សុទ្ធតែ ផ្សារភ្ជាប់ការផ្លាស់មកស្នងតំណែងលោក Rangnick ក្នុងរយៈពេលប៉ុន្មានខែកន្លងមកនេះ។ប៉ុន្តែMan.Utdនៅឡើយបន្តការងារដ៏សំខាន់នេះនៅមុនបំណាច់ខែឧសភាស្របពេលបុរសសញ្ជាតិអាឡឺម៉ង់ខ្លួនឯង នៅឡើយមិនបានដឹងអំពីអ្នកចាត់ការថ្មីរូបណានិងមកជំនួសតំណែងគាត់នៅឡើយដែរ៕
ប្រភពព័ត៍មាន៖ The Sun