បរទេស៖ ខ្សែប្រយុទ្ធ Mohamed Salah បានទទួលស្គាល់ថា ក្រុមហង្សក្រហម Liverpool ទំនងជារងនូវការជឿជាក់លើខ្លួនឯងពេក ខណៈដែលពួកគេបានឈានទៅប្រកួតក្របខ័ណ្ឌ Champions League វគ្គ៨ក្រុមចុងក្រោយជាលើកទី៤ក្នុងរយៈពេល៥ឆ្នាំទាំងព្រលឹងចុងសក់ ក្រោយពីចាញ់ទាំងកម្រក្នុងលទ្ធផល ១-០ នាកីឡដ្ឋាន Anfield ក្រោមស្នាដៃក្រុម Inter Milan កាលពីថ្ងៃអង្គារ។
ក្រុមម្ចាស់ជើងឯករបស់អុីតាលីមួយនេះ មិនអាចជម្នះឧបសគ្គនានាដែលនៅចំពោះមុខរបស់ពួកគេឡើយ ក្រោយពីបានរងបរាជ័យក្នុងលទ្ធផល ២-០ ក្នុងការប្រកួតជើងទី១ លើទឹកដីខ្លួនឯងកាលពី៣សប្តាហ៍មុន បើទោះបីកីឡាករ Lautaro Martinez បានរកគ្រាប់បាល់បញ្ចូលទីយ៉ាងល្អ ក្រោយីលេងបានរយៈពេល១ម៉ោងក៏ដោយ។ ការរងពិន័យកាតក្រហមរបស់ Alexis Sanchez ភ្លាមៗបន្ទាប់ពីគ្រាប់បាល់នោះ បានកាត់បន្ថយសន្ទុះរបស់ក្រុម Inter ហើយក្រុម Liverpool បានការពារយ៉ាងរឹងមាំជាមួយនឹងសមាជិកច្រើននាក់១នាក់ បើទោះបីរងបរាជ័យជាលើកទី១ក្នុងចំណោមការប្រកួត៤៤លើក ក្នុងរាល់យុទ្ធនាការទាំងអស់នៅរដូវកាលនេះក៏ដោយ។
តារាឆ្នើមអន្តរជាតិអេហ្ស៊ីប ដែលបានស៊ុតបាល់ប៉ះនឹងរបារទី២លើក ក្នុងតង់ទី២ បានឲ្យដឹងថា៖ «យើងបានចាញ់ការប្រកួតនេះ ហើយលទ្ធផលនេះប្រហែលជាផ្តល់ការដាស់តឿនដល់យើង។ ក្នុងចិត្តរបស់យើង ប្រហែលជាយើងមានការជឿជាក់ពេក»៕
ប្រភពព័ត៌មាន៖ Channel News Asia