បរទេស៖ អ្នកគាំទ្របានទិញសំបុត្រចំនួន៨០៤.១៨៦សន្លឹកសម្រាប់ការប្រកួតនានា ក្នុងព្រឹត្តិការណ៍ World Cup នៅប្រទេសកាតា នៅចុងឆ្នាំនេះ ក្នុងការដាក់លក់នៅដំណាក់កាលទី១។ នេះបើយោងទៅតាមការប្រកាសរបស់ FFIA ដែលជាអង្គភាពគ្រប់គ្រងកីឡាបាល់ទាត់ពិភពលោក និងជាគណៈកម្មាធិការប្រចាំយុទ្ធនាការ កាលពីថ្ងៃពុធ។
FIFA បានបញ្ជាក់ថា អ្នកទិញសំបុត្រភាគច្រើន មានមូលដ្ឋាននៅប្រទេសកាតា សហរដ្ឋអាមេរិរក អង់គ្លេស ម៉ិកស៊ិក អ៊េប៊ីរ៉ាតអារ៉ាប់រួម អាល្លឺម៉ង់ ឥណ្ឌា ប្រេស៊ីល អាហ្សង់ទីន និងអារ៉ាប៊ីសាអ៊ូឌីត។ សំបុត្រសម្រាប់ការប្រកួតបើកឆាកនៅថ្ងៃទី១ ខែវិច្ឆិកា ដែលនឹងតម្រូវទៅលើក្រុមម្ចាស់ផ្ទះកាតា ក៏ដូចជាការប្រកួតវគ្គផ្តាច់ព្រ័ត្រនៅថ្ងៃទី១៨ ខែធ្នូ គឺជាជម្រើសដ៏ពេញនិយមបំផុត។
ការចាប់ឆ្នោតសម្រាប់ការប្រកួតវគ្គចែកពូលនៃព្រឹត្តិការណ៍ World Cup នឹងប្រព្រឹត្តទៅនៅថ្ងៃសុក្រ សប្តាហ៍នេះ។ FIFA បានបន្ថែមថា អ្នកគាំទ្រដែលទិញសំបុត្រមិនបានក្នុងការដាក់លក់ដំណាក់កាលទី១ នឹងមានឱកាសមួយផ្សេងទៀត អំឡុងពេលនៃការលក់សំបុត្រតាមរយៈការចាប់ឆ្នោតចៃដន្យ នៅលើគេហទំព័ររបស់ពួកគេ នាថ្ងៃទី៥ ខែមេសា៕
ប្រភពព័ត៌មាន៖ Channel News Asia
