បរទេស៖ Man. Utd នឹងត្រូវចំណាយប្រាក់៥២ លានផោនប្រសិនជាពួកចង់ចុះហត្ថលេខានាំយកខ្សែបម្រើ Christopher Nkunkun ពីក្លឹបRB Leipzig នៅរដូវក្តៅនេះ។
កីឡាករវ័យ ២៤ ឆ្នាំរូបនេះបន្តដើរតួនាទិដ៏សំខាន់ដោយជួយអោយក្រុមឈរនៅក្នុងចំណាត់ថ្នាក់ទីបី នៅក្របខណ្ឌ Bundesliga និងស៊ុតបញ្ចូលទីបាន ៣០ គ្រាប់ ព្រមទាំង assist ១៩ ដងក្នុងការបង្ហាញខ្លួន ៤៤លើកនៅនៅគ្រប់ការប្រកួតទាំងអស់នៅរដូវកាលនេះ។ ទម្រង់លេងរបស់កីឡាករអន្តរជាតិបារាំង រូបនេះត្រូវបានក្លឹប Paris Saint-Germain, Man United, Real Madrid និង Liverpool ចាប់អារម្មណ៏។
ប៉ុន្តែយោងការចុះផ្សាយរបស់គេហទំព័រ Bild បានអះអាងថាRB Leipzig មិនមានចេតនាចែកផ្លូវជាមួយ Nkunku នៅមុនរដូវកាលថ្មីនោះទេ ប៉ុន្តែតម្លៃខ្លួន៥២លានផោននិងអាចបញ្ចុះបញ្ចូលក្លឹបអោយពិចារណាឡើងវិញ។ ទោះយ៉ាងណាប្រភពបន្ថែមថាកង្វះបទពិសោធន៍លើឆាក អន្តរជាតិ អាចបង្កការលំបាកសម្រាប់ក្លឹបជើងឯកអង់គ្លេស២០សម័យ។ ដូច្នេះ ក្លឹបPSGនិងអាចឆក់ឪកាសសម្រាប់ការផ្ទេរមួយនេះ។បច្ចុប្បន្នNkunkuអតីតកីឡាករយុវជនថ្នាលPSG មានកុងត្រាជាមួយRB Leipzig រហូតដល់រដូវក្តៅឆ្នាំ ២០២៤៕
ប្រភពព័ត៍មាន៖ Sportsmole
