បរទេស៖ លោក Steve McClaren គ្រោងនឹងត្រលប់ទៅកាន់អតីតក្លឹប Man. United វិញក្នុងនាមជាជំនួយការគ្រូបង្វឹកថ្មី Erik ten Hag ខណៈក្រុមបិសាចក្រហមបានបញ្ជាក់ពីការតែងតាំង បុរសសញ្ជាតិហូឡង់Ten Hag កាលពីថ្ងៃព្រហស្បតិ៍ ជាមួយការចុះកុងត្រានៅទឹកដី Old Trafford រហូតដល់ខែមិថុនា ឆ្នាំ ២០១៥ ជាមួយនឹងជម្រើសបន្តមួយឆ្នាំទៀត។
យោងគេហទំព័រ The Telegraph លោក Mitchell Van der Gaag ដែលជាជំនួយការបច្ចុប្បន្នរបស់ Ten Hag នៅ Ajax គ្រោងនឹងផ្លាស់ទៅកាន់ Manchester នៅរដូវក្តៅនេះ ដើម្បីបន្តរួមការងារជាមួយបុរសវ័យ ៥២ ឆ្នាំរូបនេះ។ប្រភពបន្តថាលោកMcClarenអតីតគ្រូបង្វឹកក្រុមជម្រើសជាតិអង់គ្លេស ក៏កំពុងរៀបចំដើម្បីត្រលប់ទៅធ្វើការជាមួយក្រុមជើងឯកអង់គ្លេស 20 សម័យផងដែរ ដោយរូបលោកចង់បន្តចាប់ដៃគូជាមួយលោក Ten Hag ម្តងទៀត។
គួរបញ្ជាក់ថាអ្នកទាំងពីរធ្លាប់ធ្វើការរួមគ្នានៅ FC Twente ក្នុងឆ្នាំ ២០០៨ ខណៈលោក McClaren ធ្លាប់ជាជំនួយការលោក Sir Alex Ferguson ចន្លោះឆ្នាំ ១៩៩៩ និង២០០១ មុនពេលចាកចេញទៅដឹកនាំក្រុម Middlesbrough។បុរសវ័យ ៦០ ឆ្នាំរូបនេះក៏ធ្លាប់ដឹកនាំក្រុមជម្រើសជាតិអង់គ្លេសចន្លោះឆ្នាំ ២០០៦ និង ២០០៧ និងធ្លាប់ដឹកនាំក្លឹប អាជីព Derby County, Newcastle United និង Queens Park Rangers ផងដែរ៕
ប្រភពព័ត៍មាន៖ Sportsmole
