បរទេស៖ វីរបុរសក្រុមបិសាចក្រហម Man. United លោក Roy Keane បានរិះគន់កីឡាករ Marcus Rashford កំលុងពេលប្រកួតស្មើជាមួយ Chelsea ក្នុងលទ្ធផល១ទល់និង១កាលពីថ្ងៃព្រហស្បត្ត៏និងរយៈពេលប្រកួតកន្លងទៅនៅរដូវកាលនេះ។
ថ្លែងប្រាប់គេហទំព័រ Sky Sports អតីតកីឡាករជម្រើសជាតិអៀឡង់បានលើកឡើងថារូបលោក មិនចាប់អារម្មណ៍នឹងខ្សែប្រយុទ្ធ ស្លាបបិសាចក្រហមMan.Utdនៅ រដូវកាលនេះទេ។ Kane បន្ថែមថាៈចង់ឃើញពីភាពក្លាហាននិងទម្រង់លេងអោយបានល្អជាប់លាប់ ព្រោះខ្ញុំមិនបានឃើញគាត់ខិតខំប្រឹងប្រែងគ្រប់គ្រាន់ទេ។ ឥឡូវនេះគាត់មានអាយុ ២៤ ឆ្នាំហើយ គាត់ត្រូវតែបង្ហាញភាពចាស់ទុំជាងមុន និងមានភាពស៊ីសង្វាក់គ្នា ។ ខ្ញុំពិតជាខកចិត្តនឹងគាត់ណាស់។រាល់ពេលដែលខ្ញុំឃើញ Marcus (Rashford) កម្តៅសាច់ដុំគាត់ញញឹម។ ខ្ញុំមិនចូលចិត្តកីឡាករណាដែលញញឹមច្រើនពេកទេ ញញឹមនៅពេលអ្នកធ្វើអ្វីមួយមិនទទួលបានលទ្ធផលនៅឡើយ និយាយរួមទៅ ម្រង់លេងរបស់គាត់គឺដូចជាក្មេងមិនទាន់ចេះលេងបាល់សម្រាប់ការប្រកួត២លើកចុងក្រោយ។
Rashford ដែលចាប់ផ្តើមចូលលេងជម្រើស១១នាក់ដំបូងពេលស្មើ Chelsea កាលពីថ្ងៃព្រហស្បតិ៍ ប៉ុន្តែត្រូវបានប្តូរចេញនៅនាទីទី ៧៩ ក្រោយលេងមិនបានល្អ ខណៈ កីឡាករសញ្ជាតិអង់គ្លេសរូបនេះរកបានតែបួនគ្រាប់ប៉ុណ្ណោះពីការបង្ហាញខ្លួនក្នុងលីកចំនួន ២៥លើក នៅ រដូវកាលនេះ៕
ប្រភពព័ត៍មាន៖ Sportskeeda
